کیسے ہیں دو جہاں کے نبیؐ سوچتا رہوں
سوچوں تو عمر بھر میں یہی، سوچتا رہوں
Kaise hain do jahan ke Nabi (SAW) sochta rahun
Sochun to umr bhar mein yahi, sochta rahun
اِک اِک ادا میں اُن ؐ کی ادائیں کئی ہزار
اِک اِک ادا ہے کتنی بھلی، سوچتا رہوں
Ik ik ada mein un (SAW) ki adaen kai hazar
Ik ik ada hai kitni bhali, sochta rahun
ہر بار میرے ذہن میں اُترے نیا خیال
ہر بار اُنؐ کی سوچ نئی، سوچتا رہوں
Har baar mere zehan mein utare naya khayal
Har baar un (SAW) ki soch nayi, sochta rahun
باہر سے کس طرح ہیں ملائم مرے حضورؐ
اندر سے کس قدر ہیں قوی، سوچتا رہوں
Bahir se kis tarah hain mulaim mere Huzoor (SAW)
Andar se kis qadar hain qawi, sochta rahun
منزل بہت ہے دُور ابھی اُنؐ کے فہم کی
میرا یہ فرض ہے کہ ابھی، سوچتا رہوں
Manzil bohot hai door abhi un (SAW) ke fahm ki
Mera ye farz hai ke abhi, sochta rahun
اِک سے ہے ایک بڑھ کر صحابی وفا شعار
کتنے عمر ہیں کتنے علی، سوچتا رہوں
Ik se hai ek barh kar sahabi wafa shiar
Kitne Umar hain kitne Ali, sochta rahun
کیسے رُکی ہے اُنؐ کی سواری زمین پر
کیسے یہ بزمِ نُور سجی، سوچتا رہوں
Kaise ruki hai un (SAW) ki sawari zameen par
Kaise ye bazm-e-noor saji, sochta rahun
صدیاں گزر گئی ہیں مگر اُنؐ کے عِلم کی
پھربھی ہے شاخ شاخ ہری، سوچتا رہوں
Sadiyan guzar gayi hain magar un (SAW) ke ilm ki
Phir bhi hai shakh shakh hari, sochta rahun
Share This Naat
Share with friends and family
کیسے ہیں دو جہاں کے نبیؐ سوچتا رہوں
انجم نیازی