اِسی لیے تو جھُکا جارہا ہے میرا سَر آگے
کہ ہے تجلّی دربارِ سیّد البشرؐ آگے
Isi liye to jhuka ja raha hai mera sar aagay
ke hai tajalli darbar-e-sayyed al basharؐ aagay
بجز رسولِؐ امیں تھا نہ کوئی چارہ گر اُن کا
بڑھے تھے اہلِ عرب سرکشی میں اِس قدر آگے
Bajaz Rasoolؐ ameen tha na koi charah gar unka
badhay thay ahl-e-Arab sarkashi mein is qadar aagay
حریمِ ذات کی وہ شان ہے کہ جلنے لگیں پَر
حدودِ سِدرہ سے جبریلؑ بھی چلیں اگر آگے
Hareem-e-zat ki woh shan hai ke jalne lagen par
hudood-e-sidra se Jibreelؑ bhi chalein agar aagay
گیا بُراق جدھر سے حضورؐ کا شبِ اسریٰ
کسی نبیؑ کا نہ اس راہ سے ہُوا گزر آگے
Gaya burraq jidhar se Huzoorؐ ka shab-e-Asra
kisi nabiؑ ka na is raah se hua guzar aagay
ہوئے مناسکِ حج ختم اب وقوف ہے کیسا
اُٹھو! کہ عشق کی منزل کا ہے ابھی سفر آگے
Huye manasik-e-Hajj khatam ab wuqoof hai kaisa
utho! ke ishq ki manzil ka hai abhi safar aagay
نہ تھی بشر میں یہ قدرت کہ مہر و ماہ سے گزرے
نہ تھا کبھی شب معراج سے یہ معتبر آگے
Na thi bashar mein ye qudrat ke mehr o mah se guzray
na tha kabhi shab-e-meraj se ye mo'tabar aagay
نہ داستانِ حرم چھیڑ اے مدینہ کے زائر
کہ خُون رونے پہ مائل ہے میری چشمِ تر آگے
Na daastan-e-haram ched ae Madina ke zair
ke khoon rone pe mael hai meri chashm-e-tar aagay
یہ مُژدہ سب کو سُنا دو کہ کوئی گِر نہیں سکتا
حضورؐ ہوں گے سرِ پُل صراط جلوہ گر آگے
Ye mujda sab ko suna do ke koi gir nahi sakta
Huzoorؐ honge sar-e-pul-Siraat jalwah gar aagay
مَیں شہرِ درد میں تنہا ہُوں اے تصوّرِ آقاؐ!
مسافتوں کو سمیٹے نکل بھی آ اِدھر آگے
Main shehar-e-dard mein tanha hoon ae tasawwur-e-aqaؐ!
masaafat ko samete nikal bhi aa idhar aagay
رسولِؐ پاک سے وابستہ ہے نجاتِ دو عالَم
بس ایک جنبشِ لب ہے وسیلۂ ظفر آگے
Rasool-e-Pakؐ se wabasta hai najat-e-do alam
bas ek junbish-e-lab hai waseela-e-zafar aagay
نصیب ہو جو کبھی اے نصیرؔ راہِ مدینہ
تُو ذرّے ذرّے کو بڑھنا ادب سے چُوم کر آگے
Naseeb ho jo kabhi ae Naseerؔ raah-e-Madina
tu zarra zarra ko barhna adab se choom kar aagay
Share This Naat
Share with friends and family
اِسی لیے تو جھُکا جارہا ہے میرا سَر آگے
سید نصیرالدیں نصیر