جو غلامانِ آلؓ ہوتے ہیں
اُن کے رُتبے کمال ہوتے ہیں
Jo ghulaman-e-aalؓ hotay hain
Un ke rutbay kamal hotay hain
بلبلیں بھی درُود پڑھتی ہیں
تذکرے ڈال ڈال ہوتے ہیں
Bulbulen bhi durood parhti hain
Tazkaray daal daal hotay hain
وہ جو آقاؐ کی نعت لکھتے ہیں
شاعرِ خوش خصال ہوتے ہیں
Woh jo aaqaؐ ki naat likhtay hain
Sha'ir-e-khush khisal hotay hain
عشق دیتا ہے حوصلہ تازہ
جب مسافر نڈھال ہوتے ہیں
Ishq daita hai hosla tazah
Jab musafir ndhal hotay hain
عاشقانِ رسولؐ کے دل میں
کیا خبر کیا سوال ہوتے ہیں
Ashiqan-e-Rasoolؐ ke dil mein
Kya khabar kya sawal hotay hain
کتنے ہی بے مراد مرد و زن
جا کے طیبہ نہال ہوتے ہیں
Kitnay hi be murad mard o zan
Ja ke taiba nihal hotay hain
اپنی تقدیر پر ہوئے نازاں
جن کو حاصل وصال ہوتے ہیں
Apni taqdeer par huay nazaan
Jin ko hasil visal hotay hain
جب بھی اشفاقؔ نعت لکھتا ہے
مشک و عنبر خیال ہوتے ہیں
Jab bhi Ashfaqؔ naat likhta hai
Mushk o anbar khayal hotay hain
Share This Naat
Share with friends and family
جو غلامانِ آلؓ ہوتے ہیں
اشفاق احمد غوری