دیدارِ ذاتِ پاک ہے چہرہ حضورؐ کا
کعبے سے کم نہیں ہے مدینہ حضورؐ کا
Deedar-e-zaat-e-pak hai chehra Huzoorؐ ka
Kaabay se kam nahi hai Madina Huzoorؐ ka
آہو کو چشم ‘ سرو کو قامت ہوئی نصیب
پھولوں کو مل گیا ہے پسینہ حضورؐ کا
Aahoo ko chashm, sarv ko qaamat hui naseeb
Phoolon ko mil gaya hai paseena Huzoorؐ ka
دنیا میں سب کے واسطے رحمت ہے آپؐ کی
محشر میں سب کے واسطے سایہ حضورؐ کا
Duniya mein sab ke wastay rehmat hai aapؐ ki
Mahshar mein sab ke wastay saya Huzoorؐ ka
شمس و قمر میں میرے نبی ؐ کی ہے روشنی
موسیٰ ؑ نے دیکھا طور پر جلوہ حضورؐ کا
Shams o qamar mein mere Nabiؐ ki hai roshni
Musaؑ ne dekha toor par jalwa Huzoorؐ ka
تارے بچھا کے راہ میں اسریٰ کی رات کو
اللہ نے بھی دیکھا ہے رستہ حضورؐ کا
Taare bichha ke raah mein Isra کی raat ko
Allah ne bhi dekha hai rasta Huzoorؐ ka
قوسین سے بھی آگے ہے معراجِ مصطفیٰؐ
رستے میں اِک مقام ہے سدرہ حضورؐ کا
Qausain se bhi aagay hai me'raj-e-Mustafaؐ
Raste mein ik maqam hai sidrah Huzoorؐ ka
واصفؔ کسے خبر ہے نبیؐ کے مقام کی
جبریل سا فرشتہ ہے بردہ حضورؐ کا
Wasifؔ kise khabar hai Nabiؐ ke maqam ki
Jibra'eel sa farishta hai bardah Huzoorؐ ka
Share This Naat
Share with friends and family
دیدارِ ذاتِ پاک ہے چہرہ حضورؐ کا
واصف علی واصف