معجزاتِ کن فکاں کا ایک ہی مفہوم ہے
دو جہاں میں محورِ کون و مکاں کی دھوم ہے
Mo'jazaat-e-kun fakan ka ek hi mafhum hai
Do jahan mein mehwar-e-kaun o makan ki dhoom hai
یہ مدینہ ہے سرور و راحتِ قلب و نظر
بے قراری کا تصور بھی یہاں معدوم ہے
Yeh Madinah hai sarwar o rahat-e-qalb o nazar
Beqarari ka tasawwur bhi yahan madum hai
نعت کہنے کا سلیقہ بھی کہاں آیا مجھے
میرا گفتہ صرف ان کی جستجو منظوم ہے
Naat kehne ka saleeqa bhi kahan aaya mujhe
Mera gufta sirf un ki justuju manzoom hai
دو جہاں کی کامیابی اس کی باندی ہو گئی
جس کو طاعاتِ نبی کا راستہ معلوم ہے
Do jahan ki kamiyabi is ki bandi ho gayi
Jis ko ta'at-e-nabi ka rasta maloom hai
رفعتِ شبیر پر قرباں فلک کی رفعتیں
پشتِ شاہِ انبیاء پر لاڈلا معصوم ہے
Rif'at-e-Shabbir par qurban falak ki rif'atein
Pusht-e-shah-e-anbiya par ladla masoom hai
چند ہیں اشکِ ندامت نامۂ اعمال میں
ایک طغرائے ندامت روح پر مرقوم ہے
Chand hain ashk-e-nadamat nama-e-a'amaal mein
Ek tughraya-e-nadamat rooh par marqum hai
زائرو کہنا مواجہ پر بصد عجز و نیاز
بہرِ کوئے مصطفیٰ اشفاقؔ بھی مغموم ہے
Zairo kehna muwajah par bisad ajz o niaz
Beher-e-kooye Mustafa Ashfaq bhi maghmoom hai
Share This Naat
Share with friends and family
معجزاتِ کن فکاں کا ایک ہی مفہوم ہے
اشفاق احمد غوری