در پہ آ کر کھڑا ہے بھکاری شہا ! اِس کے ملجا و ماوٰی حضور آپ ہیں
کس کو جا کر سناتا یہ دکھڑے بھلا اِس کا واحد سہارا حضور آپ ہیں
Dar pe aa kar khara hai bhakari shaha! Is ke malja o ma'wa huzoor aap hain
Kis ko ja kar sunata yeh dukhre bhala is ka wahid sahara huzoor aap hain
آپ کا جو ہوا وہ خُدا کا ہوا ، آپ ہی کی رضا میں خُدا کی رضا
جس کو مانگا خُدا سے ہر اک نے سدا، بس وہی سیدھا رستہ حضور آپ ہیں
Aap ka jo hua woh khuda ka hua, aap hi ki raza mein khuda ki raza
Jis ko manga khuda se har ek ne sada, bas wohi seedha rasta huzoor aap hain
صحنِ اقصٰی میں ہیں صف بہ صف انبیا ٕ اور وہاں اُن کے آقا بنے مقتدا
رشک کرتے ہیں جن پر سبھی انبیا بس وہی عالی رُتبہ حضور آپ ہیں
Sahn-e-aqsa mein hain saf ba saf anbiya aur wahan un ke aqa bane muqtada
Rashk karte hain jin par sabhi anbiya bas wohi aali rutba huzoor aap hain
آپ کا نُطقِ عالی خُدا کا کہا ،آپ نے جو بھی چاہا خُدا نے دیا
جن کی مرضی پہ اُن کا خُدا مرحبا ! خود بدلتا ہے قبلہ حضور آپ ہیں
Aap ka nutq-e-aali khuda ka kaha, aap ne jo bhi chaha khuda ne diya
Jin ki marzi pe un ka khuda marhaba! Khud badalta hai qibla huzoor aap hain
ہر شفاعت کا منصب مرے مُصطفٰے ، حشر میں آپ ہی کو ودیعت ہوا
آپ نے جس کو چاہا وہ بخشا گیا ، مغفرت کا حوالہ حضور آپ ہیں
Har shafaat ka mansab mere Mustafa, hashr mein aap hi ko wadi’at hua
Aap ne jis ko chaha woh bakhsha gaya, maghfirat ka hawala huzoor aap hain
آ رہی ہے مدینے سے ٹھنڈی ہوا جس سے قائم ہے سانسوں کا یہ سلسلہ
آپ کے در کی نسبت سلامت رہے ، رحمتوں کا خزانہ حضور آپ ہیں
Aa rahi hai madine se thandi hawa jis se qaim hai saanson ka yeh silsila
Aap ke dar ki nisbat salamat rahe, rehmaton ka khazana huzoor aap hain
بحرِ عصیاں میں ہے میری کشتی اڑی،چل رہی ہیں مخالف ہوائیں بڑی
ہم غُلاموں پہ جس وقت مشکل پڑی،جس نے مشکل کو ٹالا حضور آپ ہیں
Behr-e-isyan mein hai meri kishti adri, chal rahi hain mukhalif hawaen bari
Hum ghulamon pe jis waqt mushkil pari, jis ne mushkil ko tala huzoor aap hain
انبیا و رُسُل کو ملے معجزے ، شاہِ کونین ہیں سر بسر معجزہ
حُسنِ یُوسف بھی ہیں اور دمِ عیسوی ، حاملِ دستِ بیضا حضور آپ ہیں
Anbiya o rusul ko mile mojize, shah-e-konain hain sir basar mo’jiza
Husn-e-yusuf bhi hain aur dam-e-Isavi, hamil-e-dast-e-bayza huzoor aap hain
ہے جلیل اِس پہ نازاں مرے چارہ گر ! آپ نے اِس کو بخشا ثنا کا ہُنر
کیجیے اِس پہ آقا ! کرم کی نظر ،اِس کا تنہا وسیلہ حضور آپ ہیں
Hai jaleel is pe nazan mere chara gar! Aap ne is ko bakhsha sana ka hunar
Kijiye is pe aaqa! Karam ki nazar, is ka tanha wasila huzoor aap hain
Share This Naat
Share with friends and family
در پہ آ کر کھڑا ہے بھکاری شہا
حافظ عبدالجلیل