جو صدقِ دل سے تمہارا غلام ہوجائے
تو اس پہ آتشِ دوزخ حرام ہوجائے
Jo sidq-e dil se tumhara ghulaam ho jaye
To us pe aatish-e dozakh haraam ho jaye
نزولِ رحمتِ حق بھی اسی طرف کو ہو
جدھر وہ سروَرِ عالی مقام ہوجائے
Nuzul-e rehmat-e Haq bhi usi taraf ko ho
Jidhar wo sarvar-e aali maqam ho jaye
الٰہی جس کے سبب سے یہ عرش و فرش بنے
اُسی کا میرے بھی دِل میں قیام ہوجائے
Ilahi jis ke sabab se ye arsh o farsh bane
Usi ka mere bhi dil mein qayaam ho jaye
خدا کرے کہ مَدینے کا ہو سفر ہر سال
ہماری عمر اِسی میں تمام ہوجائے
Khuda kare ke Madine ka ho safar har saal
Hamari umr isi mein tamaam ho jaye
تمہارے روضۂ اَقدس پہ میرا دم نکلے
فراق و وَصل کا قصہ تمام ہوجائے
Tumhare roza-e aqdas pe mera dam nikle
Firaq o wasal ka qissa tamaam ho jaye
نہ کیوں ہو مجھ کو مقدر پہ اپنے ناز اگر
سگانِ طیبہ میں میرا بھی نام ہوجائے
Na kyun ho mujh ko muqaddar pe apne naaz agar
Sagaan-e Taiba mein mera bhi naam ho jaye
نظر سے دُور ہو اِک پَل اگر جمالِ حضور
مریضِ عشق کو جینا حرام ہوجائے
Nazar se door ho ik pal agar jamal-e Huzoor
Mareez-e ishq ko jeena haraam ho jaye
یہ کہہ رہا ہے فَتَرْضٰی کہ غیر ممکن ہے
خلافِ مرضیِ محبوب کام ہوجائے
Ye keh raha hai fatardha ke gair mumkin hai
Khilaaf-e marzi-e mehboob kaam ho jaye
اَدب سے شرم سے منہ ڈَھانک لے کرے سجدہ
جو سامنے کبھی ماہِ تمام ہوجائے
Adab se sharam se munh dhaank le kare sajda
Jo samne kabhi mah-e tamaam ho jaye
شکار مجھ کو نہ کر نفس ہوں غلامِ حضور
نہ ٹکڑے ٹکڑے کہیں تیرا دام ہوجائے
Shikaar mujh ko na kar nafs hoon ghulaam-e Huzoor
Na tukray tukray kahin tera daam ho jaye
جمیلؔ قادری رضوی کا خاتمہ بالخیر
طفیلِ حضرتِ خیرالانام ہوجائے
Jameel Qadri Rizvi ka khatima bilkhair
Tufail-e Hazrat-e Kha-e-ru-l Anam ho jaye
Share This Naat
Share with friends and family
جو صدقِ دل سے تمہارا غلام ہوجائے
جمیل الرحمن قادری