زمیں تا چرخ بریں فرشتے ہر اک نفس کو پکار آئے
گناہگارو مناؤ خوشیاں شفیع روز شمار آئے
Zameen taa charkh bareen farishtay har ak nafas ko pukaar aaye
Gunahgaaro manao khushiyan shafee roz shumaar aaye
وہ نور اول سراپا رحمت عطا کے پیکر خدا کی نعمت
وہ مونس و غمگسار بنکر دکھی دلوں کے قرار آئے
Wo noor e awwal sarapaa rehmat ata ke paiker khuda ki naimat
Wo monis o ghamgusar bankar dukhi dilon ke qaraar aaye
چمن نے کی آبرو نچھاور گلوں نے سجدے کئے قدم پر
نقاب الٹے گہر لٹاتے وہ جب سوئے لالہ زار آئے
Chaman ne ki aabroo nichhawar gulon ne sajday kiye qadam par
Naqaab ulte gaha luttaatay wo jab sooye laala zaar aaye
بشر کی تشہیر کرنے والو نہ اٹھ سکا تم سے بارِ احساں
کہ خاکیوں کی اس انجمن میں وہ عرش کے تاجدار آئے
Bashar ki tashheer karne waalo na uth saka tum se baar e ehsaan
Ke khaakiyon ki is anjuman mein wo arsh ke taajdaar aaye
جہانِ خاکی کے تیره بختو تباہکارو خطا شعارو
کچھ اس طرح جاؤ آبدیدہ کہ ان کی رحمت کو پیار آئے
Jahaan e khaaki ke taira bakhto tabaahkaaro khata shaaron
Kuch is tarah jao aabdeedah ke un ki rehmat ko piyaar aaye
کہیں نہ کھل جائے چشم نرگس کہیں نہ برپا ہو حشر کا دن
زمیں پہ تار نظر سے چلنا حبیب کا جب دیار آئے
Kahin na khul jaaye chashm e nargis kahin na barpa ho hashr ka din
Zameen pe taar nazar se chalna habeeb ka jab diyar aaye
میں اس کی ہر اک ادا پہ ارشد کروں عقیدت سے دل نچھاور
شہہ مدینہ کے در پہ جاکر جو اپنی ہستی سنوار آئے
Main us ki har ak ada pe Arshad karun aqidat se dil nichhawar
Shah e Madinah ke dar pe jakar jo apni hasti sanwaar aaye
عرب سے بغداد کی زمیں تک نجف سے اجمیر کی گلی تک
ہزار ناموں سے ان کو ارشد کہاں کہاں ہم پکار آئے
Arab se Baghdad ki zameen tak Najaf se Ajmer ki gali tak
Hazaar namon se un ko Arshad kahaan kahaan hum pukaar aaye
Share This Naat
Share with friends and family
زمیں تا چرخ بریں فرشتے ہر اک نفس کو پکار آئے
علامہ ارشد القادری