سر بسر تھا مرے سرکار کا پیکر اخلاص
لائے تشریف نبیؐ دہر میں بن کر اخلاص
Sar basar tha mere Sarkar ka paikar ikhlaas
Laaye tashreef Nabiؐ dahr mein ban kar ikhlaas
فتح جس نے کیا ہر ایک دلِ باطل کو
میرے سرکار کا وہ خاص ہے جوہر اخلاص
Fateh jis ne kiya har aik dil-e-baatil ko
Mere Sarkar ka woh khaas hai johar ikhlaas
جس میں اخلاص نہیں ہو نہیں سکتا مومن
یعنی ایمانِ مسلماں کا ہے مظہر اخلاص
Jis mein ikhlaas nahi ho nahi sakta momin
Yani imaan-e-musalmaan ka hai mazhar ikhlaas
تربیت دی وہ پیمبر نے سپاہ ِ حق کو
سر بسر بن گیا اسلام کا لشکر اخلاص
Tarbiyat di woh paimbar ne sipah-e-haq ko
Sar basar ban gaya Islam ka lashkar ikhlaas
حالتِ کفر میں جو لوگ رہے سخت مزاج
منفرد ہو گئے سرکار سے پا کر اخلاص
Haalat-e-kufr mein jo log rahe sakht mizaaj
Munfarid ho gaye Sarkar se paa kar ikhlaas
آپ نے اپنے صحابہ کو یہی درس دیا
با اثر ہوتا ہے تلوار سے بڑھ کر اخلاص
Aap ne apne sahaaba ko yahi dars diya
Ba asar hota hai talwaar se barh kar ikhlaas
راہِ آقاؐ میں بچھاتی تھی ضعیفہ کانٹے
مومنہ ہوگئی بدلے میں وہ پا کر اخلاص
Raah-e-Aaqaؐ mein bichaati thi zaaifa kaantay
Momina ho gayi badle mein woh paa kar ikhlaas
کر دیا صاحبِ ثروت سے بڑا ان کو دھنی
اپنے اصحاب کو سرکار نے دے کر اخلاص
Kar diya sahib-e-sarwat se bara in ko dhani
Apne ashaab ko Sarkar ne de kar ikhlaas
ہم سے چھوٹے نہ کبھی دامنِ اخلاص احسؔن
سرخرو کرتا ہے انسان کو بہتر اخلاص
Hum se chhootay na kabhi daaman-e-ikhlaas Ahsan
Sarfaroo karta hai insaan ko behtar ikhlaas
Share This Naat
Share with friends and family
سر بسر تھا مرے سرکار کا پیکر اخلاص
احسن اعظمی