ہے یہ سچ کہ حسنِ عالم میں کوئی کمی نہیں ہے
درِ مصطفیٰؐ سی لیکن کہیں دلکشی نہیں ہے
hai ye sach ke husn-e-alam mein koi kami nahi hai
dar-e-Mustafaؐ se lekin kahin dilkashi nahi hai
لیے مژدۂ مسرت ہوئے جلوہ گر پیمبر
لبِ بے کساں پہ کوئی غمِ بے کسی نہیں ہے
liye mujdaٔ musarrat hue jalwa gar paimanbar
lab-e be-kasaں pe koi gham-e be-kasi nahi hai
جو بشر ہیں دست بستہ تو ملک ہیں سر بسجدہ
شہِ انبیا کی آمد کی کہاں خوشی نہیں ہے
jo bashar hain dast basta to malak hain sar basajda
shah-e anbiya ki amad ki kahaan khushi nahi hai
رُخِ پاک کی تجلی سے ہیں مہر و ماہ روشن
وہ جمالِ مصطفیٰؐ ہے کہاں روشنی نہیں ہے
ruKh-e paak ki tajalli se hain mehr o maah roshan
wo jamal-e Mustafaؐ hai kahaan roshni nahi hai
وہ جو ہے ریا کا مظہر نہیں جس میں حُبِ سرور
اسے بندگی نہ کہیے کہ وہ بندگی نہیں ہے
wo jo hai riya ka mazhar nahi jis mein hub-e sarvar
ise bandegi na kahiye ke wo bandegi nahi hai
یہ اطاعتِ نبیؐ ہی ہے اطاعتِ الٰہی
نہیں بندۂ خدا وہ جو محمدی نہیں ہے
ye itaat-e Nabiؐ hi hai itaat-e ilahi
nahi bandaٔ khuda wo jo Muhammadi nahi hai
کوئی یارِ غارِ سرور کا بھلا ہو کیسے ہمسر
کہ عتیق جیسا افضل کوئی امتی نہیں ہے
koi yaar-e ghar-e sarvar ka bhala ho kaise hamsar
ke Atiq jaisa afdal koi ummati nahi hai
ملا خط عمر کا جس دم ہوا نیلِ خشک جاری
یہ کرامتِ عمر ہے کوئی ساحری نہیں ہے
mila KhaT umar ka jis dam hua neel-e Khushk jari
ye karamat-e umar hai koi sahri nahi hai
مری کیا بساط لکھوں میں صفاتِ شانِ عثماں
کہ جہاں میں ان کے جیسا کوئی بھی سخی نہیں ہے
mri kya basat likhun mein sefatat-e shaan-e usman
ke jahan mein un ke jaisa koi bhi sakhi nahi hai
بکمالِ دستِ حیدر ہوا فتح بابِ خیبر
سبھی بولے شیرِ یزداں سا کوئی جری نہیں ہے
bekamal-e dast-e Haidar hua fatah bab-e Khaibar
sabhi bole sher-e yazdan sa koi jari nahi hai
سرِ حشر اپنے احسؔن کی بھی کیجیے شفاعت
کوئی دوسری تمنا اے مرے نبیؐ نہیں ہے
sar-e hashr apne Ahasؔan ki bhi kijiye shafaat
koi doosri tamanna ae mere Nabiؐ nahi hai
Share This Naat
Share with friends and family
ہے یہ سچ کہ حسنِ عالم میں کوئی کمی نہیں ہے
احسن اعظمی