صاحبِ فقر و غنا ہیں خواجہ احمد مَیروی
پیکرِ صبر و رضا ہیں خواجہ احمد مَیروی
Saahib-e-Faqr o Ghina hain Khwaja Ahmad Mairovi
Paikar-e-Sabr o Raza hain Khwaja Ahmad Mairovi
فخر جن پر کر رہے ہیں شہ سلیماں تونسوی
وہ مریدِ با وفا ہیں خواجہ احمد مَیروی
Fakhr jin par kar rahay hain Sheh Sulemaan Tunasvi
Wo Mureed-e-Ba-Wafa hain Khwaja Ahmad Mairovi
خطۂ ویران کو مَیرا بنایا آپ نے
آپ ہی اس کی بِنا ہیں خواجہ احمد مَیروی
Khittah-e-Veeraan ko Maira banaya aap ne
Aap hi is ki Bina hain Khwaja Ahmad Mairovi
ارضِ مَیرا سے ہے جاری فیضِ خواجہؒ آج بھی
مخزنِ فیض و عطا ہیں خواجہ احمد مَیروی
Arz-e-Maira se hai jari Faiz-e-Khwaja aaj bhi
Makhzan-e-Faiz o Ata hain Khwaja Ahmad Mairovi
جن کے چہرے کی زیارت قُفل توڑے کفر کے
کیا وجیہہ و خوش لِقا ہیں خواجہ احمد مَیروی
Jin ke chehre ki ziyaarat qufal tooray kufr ke
Kya wajeeh o khush liqa hain Khwaja Ahmad Mairovi
زہد و تقویٰ میں ہیں کامل پر سراپا عجز ہیں
اک فقیرِ بے ریا ہیں خواجہ احمد مَیروی
Zuhd o Taqwa mein hain kaamil par saraapa ajz hain
Ek Faqeer-e-be-Riya hain Khwaja Ahmad Mairovi
بھولے بھٹکے رہ نوردوں کو دکھائی راہِ حق
گم رہوں کے رہنما ہیں خواجہ احمد مَیروی
Bhoolay bhatkay reh nwardon ko dikhai raah-e-haqq
Gum rahon ke rehnuma hain Khwaja Ahmad Mairovi
در پہ آئے، سائلوں کی جھولیاں بھرتے ہیں وہ
منبعِ جُود و سخا ہیں خواجہ احمد مَیروی
Dar pe aaye, saailon ki jholiyan bharte hain woh
Manba-e-Jood o Sakha hain Khwaja Ahmad Mairovi
روز شب در پر کھڑے پیہم غریب و بے نوا
بے کسوں کا آسرا ہیں خواجہ احمد مَیروی
Roz o shab dar par kharay paiham ghareeb o be nava
Be kaso ka aasra hain Khwaja Ahmad Mairovi
ناز کرتی ہے ولایت آج بھی جن پر جلیل
وہ رئیس الاولیاء ہیں خواجہ احمد مَیروی
Naaz karti hai Wilayat aaj bhi jin par Jaleel
Wo Raees al-Auliya hain Khwaja Ahmad Mairovi
Share This Naat
Share with friends and family
صاحبِ فقر و غنا ہیں خواجہ
حافظ عبدالجلیل