آپ کا نام ہر اک درد کا درمان تو ہے
آپ کے نام پہ سب کچھ مرا قربان تو ہے
Aap ka naam har ik dard ka darman to hai
Aap ke naam pe sab kuch mera qurban to hai
لوگ کہتے ہیں ثنا خوان رسول عربی
اس حوالے سے جہاں میں مری پہچان تو ہے
Log kehte hain sana khwan e Rasool e Arabi
Is hawaley se jahan mein meri pehchan to hai
نہ سہی پاس مرے دولت دنیا نہ سہی
دامن دل میں مرے دولت ایمان تو ہے
Na sahi paas mere daulat duniya na sahi
Daman e dil mein mere daulat e imaan to hai
آپکی باتوں پہ گنجائش تنقید نہیں
جو کہا آپ نے اس پر میرا ایمان تو ہے
Aapki baaton pe gunjaish e tanqeed nahi
Jo kaha aap ne us par mera imaan to hai
کوئی صورت تو ہو سرکار مدینے میں رہوں
پاس تو کچھ نہیں دل میں مرے ارمان تو ہے
Koi soorat to ho Sarkar e Madina mein rahoon
Paas to kuch nahi dil mein mere armaan to hai
اتنا دونگا تجھے ہو جائیگا راضی پیارے
شاہد اس بات پر اللہ کا قرآن تو ہے
Itna donga tujhe ho jaayega raazi pyare
Shahid is baat par Allah ka Quran to hai
کامل ایمان نہیں عشق محمد کے بغیر
میرے ایمان کی عشق شہ دیں جان تو ہے
Kamil imaan nahi ishq e Muhammad ke begair
Mere imaan ki ishq e shah e deen jaan to hai
مالک الملک کا محبوب ہے کملی والا
میرا ایماں ہے خدائی کا وہ سلطان تو ہے
Maalik ul Mulk ka mehboob hai Kamli Wala
Mera imaan hai Khudai ka wo Sultan to hai
میں نے مانا کہ نیازی ہے گنہ گار مگر
یا نبی آپ کا ادنی سا ثنا خوان تو ہے
Main ne mana ke Niazi hai gunah gaar magar
Ya Nabi aap ka adna sa sana khwan to hai
Share This Naat
Share with friends and family
آپ کا نام ہر اک درد کا درمان تو ہے
عبدالستار نیازی