سحابِ رحمت باری ہے بارہویں تاریخ
کرم کا چشمۂ جاری ہے بارہویں تاریخ
Sahab-e-Rehmat Bari hai barhwin tareekh
Karam ka chashma-e-jari hai barhwin tareekh
ہمیں تو جان سے پیاری ہے بارہویں تاریخ
عدو کے دل کو کٹاری ہے بارہویں تاریخ
Humen to jaan se pyari hai barhwin tareekh
Adu ke dil ko katari hai barhwin tareekh
اسی نے موسم گل کو کیا ہے موسم گل
بہار فصل بہاری ہے بارہویں تاریخ
Isi ne mausam-e-gul ko kiya hai mausam-e-gul
Bahar fasl bahari hai barhwin tareekh
بنی ہے سرمۂ چشم بصیرت و ایماں
اُٹھی جو گردِ سواری ہے بارہویں تاریخ
Bani hai surma-e-chashm basirat o eemaan
Uthi jo gard-e-sawari hai barhwin tareekh
ہزار عید ہوں ایک ایک لحظہ پر قرباں
خوشی دلوں پہ وہ طاری ہے بارہویں تاریخ
Hazaar Eid hon aik aik lahza par qurban
Khushi dilon pe woh tari hai barhwin tareekh
فلک پہ عرشِ بریں کا گمان ہوتا ہے
زمین خلد کی کیاری ہے بارہویں تاریخ
Falak pe arsh-e-bareen ka gumaan hota hai
Zameen khuld ki karyari hai barhwin tareekh
تمام ہو گئی میلادِ انبیا کی خوشی
ہمیشہ اب تری باری ہے بارہویں تاریخ
Tamam ho gayi milaad-e-anbiya ki khushi
Hamesha ab teri baari hai barhwin tareekh
دلوں کے میل دُھلے گل کھلے سرور ملے
عجیب چشمۂ جاری ہے بارہویں تاریخ
Dilon ke mail dhule gul khile suroor mile
Ajeeb chashma-e-jari hai barhwin tareekh
چڑھی ہے اَوج پہ تقدیر خاکساروں کی
خدا نے جب سے اُتاری ہے بارہویں تاریخ
Chadhi hai oj pe taqdeer khaaksaron ki
Khuda ne jab se utari hai barhwin tareekh
خدا کے فضل سے ایمان میں ہیں ہم پورے
کہ اپنی روح میں ساری ہے بارہویں تاریخ
Khuda ke fazl se eemaan mein hain hum pure
Ke apni rooh mein sari hai barhwin tareekh
ولادتِ شہ دِیں ہر خوشی کی باعث ہے
ہزار عید سے بھاری ہے بارہویں تاریخ
Wiladat-e-Shah-e-deen har khushi ki bais hai
Hazaar Eid se bhari hai barhwin tareekh
ہمیشہ تو نے غلاموں کے دل کئے ٹھنڈے
جلے جو تجھ سے وہ ناری ہے بارہویں تاریخ
Hamesha tu ne ghulamon ke dil kiye thande
Jale jo tujh se woh nari hai barhwin tareekh
خوشی ہے اہل سنن میں مگر عدو کے یہاں
فغان و شیوَن و زاری ہے بارہویں تاریخ
Khushi hai ahl-e-sunan mein magar adu ke yahan
Faghan o shiwan o zari hai barhwin tareekh
جدھر گیا سنی آواز یَا رَسُوْلَ اللہ
ہر اِک جگہ اسے خواری ہے بارہویں تاریخ
Jidhar gaya suni aawaz ya rasool Allah
Har ik jagah usay khuwari hai barhwin tareekh
عدو وِلادتِ شیطاں کے دن منائے خوشی
کہ عید عید ہماری ہے بارہویں تاریخ
Adu wiladat-e-Shetaan ke din manaye khushi
Ke Eid Eid hamari hai barhwin tareekh
حسنؔ ولادتِ سرکار سے ہوا روشن
مِرے خدا کو بھی پیاری ہے بارہویں تاریخ
Hassan wiladat-e-Sarkar se hua roshan
Mere Khuda ko bhi pyari hai barhwin tareekh
Share This Naat
Share with friends and family
سحابِ رحمت باری ہے بارہویں تاریخ
حسن رضا خان