جب کرم بار آپ ہوتے ہیں
رنج راحت شمار ہوتے ہیں
Jab karam bar aap hotay hain
Ranj rahat shumaar hotay hain
آنکھ بھی رات دن برستی ہے
وہ بھی دل کا قرار ہوتے ہیں
Aankh bhi raat din barasti hai
Woh bhi dil ka qarar hotay hain
بے قراری کمال ہوتی ہے
جس میں جلوے ہزار ہوتے ہیں
Be qarari kamaal hoti hai
Jis mein jalway hazaar hotay hain
ان کے آنے کی دیر ہوتی ہے
کو بہ کو لالہ زار ہوتے ہیں
Un ke aanay ki dair hoti hai
Koh ba koh laala zaar hotay hain
ابنِ سمرہ کو چاند سے بڑھ کر
ان کے روشن عذار ہوتے ہیں
Ibn-e-Samrah ko chaand se bhad kar
Un ke roshan azaar hotay hain
چاند سورج بلائیں لیتے ہیں
ان پہ تارے نثار ہوتے ہیں
Chaand sooraj balaaein letay hain
Un pe taare nisaar hotay hain
شاہِ خوباں سے بھیک لیتے ہیں
وہ جو خوباں شمار ہوتے ہیں
Shah-e-khooban se bheek letay hain
Woh jo khooban shumaar hotay hain
ان کے غم میں سکون پاتے ہیں
جب بھی دل سوگوار ہوتے ہیں
Un ke gham mein sukoon patay hain
Jab bhi dil sogvaar hotay hain
ان کی یادوں کے موسمِ گُل میں
دل کے موسم بہار ہوتے ہیں
Un ki yaadon ke mausam-e-gul mein
Dil ke mausam bahaar hotay hain
رنگ و خوشبو کے حرف بوتے ہیں
وہ جو مدحت نگار ہوتے ہیں
Rang o khushboo ke harf botay hain
Woh jo mad'hat nigaar hotay hain
من میں اک چاندنی چٹکتی ہے
جب بھی لب نعت بار ہوتے ہیں
Man mein ik chaandani chatakti hai
Jab bhi lab naat bar hotay hain
اپنی اوقات ہے یہی نوری
اُن پہ جاں سے نثار ہوتے ہیں
Apni auqaat hai yehi Noori
Un pe jaan se nisaar hotay hain
Share This Naat
Share with friends and family
جب کرم بار آپ ہوتے ہیں
محمد ظفراقبال نوری