کرم اللہ کا ہم پر عنایت مصطفیٰ کی ہے
ہمارے قلب میں عظمت شہِ ارض و سما کی ہے
Karam Allah ka hum par inayat Mustafa ki hai
Hamare qalb mein azmat sheh-e-arz o sama ki hai
کسی کو کیا خبر اُن کے مقاماتِ عُلیٰ کی ہے
اُنہیں تو جانتی اک ذات بس میرے خدا کی ہے
Kisi ko kya khabar un ke maqamat-e-ula ki hai
Unhein to jaanti ik zaat bas mere Khuda ki hai
اگرچہ لاکھ توبہ کرکے ہم نے پھر خطا کی ہے
کرم ہر آن آقا نے کیا لطف و عطا کی ہے
Agarche lakh tauba karke hum ne phir khata ki hai
Karam har aan aaqa ne kiya lutf o ata ki hai
وہی ہیں دافعِ رنج و بلا مشکل کُشا اپنے
بھلا اوقات کیا پھر آفت و رنج و بلا کی ہے
Wohi hain dafa-e-ranj o bala mushkil k’usha apne
Bhala auqaat kya phir aafat o ranj o bala ki hai
سبھی اُونچوں سے وہ اُونچے سبھی اچھوں سے وہ اچھے
خدا کے بعد ہے جو ذات محبوبِ خدا کی ہے
Sabhi unchon se woh unche sabhi achon se woh acche
Khuda ke baad hai jo zaat mehboob-e-Khuda ki hai
بنایا مالک و مختار ہے محبوب کو اپنے
خدا نے جس قدر چاہی وہ آقا پر عطا کی ہے
Banaya malik-o-mukhtar hai mehboob ko apne
Khuda ne jis qadar chahi woh aaqa par ata ki hai
عیاں سب حق تعالیٰ نے کِیا ہے غیب آقا پر
خبر ان کو سبھی کے قلب کے ہر مدعا کی ہے
Ayaan sab Haq Ta’ala ne kiya hai ghaib aaqa par
Khabar un ko sabhi ke qalb ke har mudda ki hai
ہیں ذاتِ مصطفیٰ بے شک سبھی کی ملجا و ماویٰ
ٙہرن نے اونٹ نے چڑیوں نے آکر التجا کی ہے
Hain zaat-e-Mustafa beshak sabhi ki malja o ma’wa
Hiran ne oont ne chiryon ne aakar iltija ki hai
وِلائے پنجتن دل میں خدا کے فضل سے عظمت
ابوبکر و عمر عثمان کی شیرِ خدا کی ہے
Wilaye panjtan dil mein Khuda ke fazl se azmat
Abu Bakr o Umar Usman ki sher-e-Khuda ki hai
اُنہیں کے در کی چوکھٹ پر نکل جائے یہ دم اپنا
تمنا ہے یہی دل میں یہی ہم نے دعا کی ہے
Unhi ke dar ki chaukhat par nikal jaye ye dam apna
Tamanna hai yahi dil mein yahi hum ne dua ki hai
مدینے جاؤں پھر آؤں وہیں جاکر میں مر جاؤں
نہایت شوق سے یہ التجا ہر اک گدا کی ہے
Madinay jaaun phir aaun wahin jaakar mein mar jaaun
Nihayat shauq se ye iltija har ek gada ki hai
اُنہیں کی یاد کو مرزا وظیفہ تم کرو اپنا
ہماری مغفرت ہو رات دن جس نے دعا کی ہے
Unhi ki yaad ko Mirza wazeefa tum karo apna
Hamari maghfirat ho raat din jis ne dua ki hai
اے مرزا تجھ سے کب ممکن بھلا مدحت پیمبر کی
خدا نے اپنے پیارے کی بیاں جب خود ثنا کی ہے
Ae Mirza tujh se kab mumkin bhala mad’hat paighambar ki
Khuda ne apne pyare ki bayan jab khud sana ki hai
Share This Naat
Share with friends and family
کرم اللہ کا ہم پر عنایت مصطفیٰ کی ہے
مرزا جاوید بیگ عطاری