رنج و آلام کا مارا ہوں ، ستاتے کیوں ہو
اُن کی دہلیز پہ بیٹھا ہوں ، اُٹھاتے کیوں ہو
Ranj o aalam ka mara hoon, satate kyon ho
Un ki dehleez pe baitha hoon, uthate kyon ho
اِن پہ سرکار کی یادوں کے دیے ہیں روشن
’’میری پلکوں پہ ستاروں کو سجاتے کیوں ہو‘‘
In pe sarkar ki yaadon ke diye hain roshan
"Meri palkon pe sitaron ko sajate kyon ho"
ٹھہرو آقا کو سُنا لُوں میں کہانی اپنی
اُن کے دربانوں ! مواجہ سے ہٹاتے کیوں ہو
Thehro aaqa ko suna loon main kahani apni
Un ke darbanon! mwajah se hatate kyon ho
قلبِ مضطر میں ہے یادوں کا بسیرا ، اُن کی
پھر مجھے ہجر کا احساس دلاتے کیوں ہو
Qalb-e-muztar mein hai yaadon ka basera, un ki
Phir mujhe hijr ka ehsas dilate kyon ho
زائرِ بطحا ! حضوری کا وہ احوال سُنا
اِس قدر میرے تجسس کو بڑھاتے کیوں ہو
Zair-e-bat'ha! huzoori ka woh ahwaal suna
Is qadr mere tajassus ko bharate kyon ho
مجھ کو جانا ہے مدینے ، مرے حالات !، ہٹو
آڑ بن کر کے مری راہ میں آتے کیوں ہو
Mujh ko jana hai madine, mere halaat! hato
Arr ban kar ke meri rah mein aate kyon ho
پھر بلائیں گے جلیل ، اُن کو سنانا جا کر
وہ جو سُنتے ہیں تو غیروں کو سُناتے کیوں ہو
Phir bulayenge Jaleel, un ko sunana ja kar
Woh jo sunte hain to ghairon ko sunaate kyon ho
Share This Naat
Share with friends and family
رنج و آلام کا مارا ہوں
حافظ عبدالجلیل