انوار دی بارش ہندی اے درداں دی دوا ہو جاندی اے
جدوں پڑھئے نعت محمد دی خالق دی ثناء ہو جاندی اے
Anwar di barish hindi ae dardan di dawa ho jandi ae
Jadon padhye naat Muhammad di Khaliq di sana ho jandi ae
آیا وارث کل خدائی دا ، گھر بھر گیا آمنہ مائی دا
سوہنے دے تک کے مکھڑے نوں ، ہر حُور فدا ہو جاندی اے
Aya Waris kul Khudai da, ghar bhar gaya Amina Mai da
Sohne de tak ke mukhre nu, har hoor fida ho jandi ae
لے لال حلیمہ آیاں سی ، رہ گیاں پچھے دائیاں سی
جد پاک محمد بہہ جاون ڈاچی وی ہوا ہو جاندی اے
Le laal Halima aiyan si, reh gayian pichhe daiiyan si
Jad Paak Muhammad beh javan daachi vi huwa ho jandi ae
سوہنے نے پیدا ہندیاں ای سر سجدے وچہ رکھ دتا سی
سب اُمّت پہلے سجدے تھیں دوزخ توں رہا ہو جاندی اے
Sohne ne paida hindian ai sar sajde wich rakh ditta si
Sab ummat pehlay sajde thon dozakht ton raha ho jandi ae
میلاد نبی دا کردا رہو ، سوہنے دی سلامی بھردا رہو
میلاد نبی دی برکت تھیں، مرضاں توں شفا ہو جاندی اے
Milad Nabi da karda raho, sohne di salami bharda raho
Milad Nabi di barkat thon, marazan ton shifa ho jandi ae
آج ابر کرم دا چھایا اے، آج نور اوہ رب دا آیا اے
جہدے نام دے صدقے رب کولوں ہر چیز عطا ہو جاندی اے
Aaj abr karam da chhaya ae, aaj noor oh Rab da aya ae
Jehde naam de sadqay Rab koloon har cheez ata ho jandi ae
جدوں کملی والا آیا سی کی منظر ہو سی اوہ صائم
جد ہن وی اوہدا نام لیاں، پرنور فضا ہو جاندی اے
Jadon Kamli wala aya si ki manzar ho si oh Sa'im
Jad hun vi ohda naam liyan, parnoor fizaa ho jandi ae
Share This Naat
Share with friends and family
انوار دی بارش ہندی اے درداں دی دوا ہو جاندی اے
علامہ صائم چشتی