جود و کرم کریم نے جس پر بھی کر دیا
کاسہ اُسی فقیر کا لمحوں میں بھر دیا
Jood o karam kareem ne jis par bhi kar diya
Kasa usi faqeer ka lamhon mein bhar diya
’’میں خالی ہاتھ آیا تھا اِس بارگاہ میں‘‘
صد شکر میرے شاہ نے دامان بھر دیا
"Main khaali haath aaya tha is baar gah mein"
Sad shukar mere Shah ne daaman bhar diya
تشنہ لبی ازل کی مٹا دی حضور نے
بس اک نگاہِ ناز نے سیراب کر دیا
Tishna labi azal ki mita di Huzoor ne
Bas ik nigah-e-naaz ne serab kar diya
اُن کے گدا سے مانگنے ، آتے ہیں بادشہ
اِتنا اُسے خزینۂ لعل و گہر دیا
Un ke gada se maangne, aate hain badshah
Itna use khazina-e-laal o gohar diya
نکلے جو بارگاہ سے ، دنیا پہ چھا گئے
بندہ نواز آپ نے ، ایسا ہُنر دیا
Niklay jo baar gah se, duniya pe chha gaye
Banda nawaz aap ne, aisa hunar diya
جس پر پڑی ہے اس کی تو قسمت بدل گئی
اللہ نے نگاہ میں ایسا اثر دیا
Jis par pari hai is ki to qismat badal gayi
Allah ne nigah mein aisa asar diya
خوش بخت ہیں وہ لوگ جنہیں مل گیا بقیع
اُن کو مرے کریم نے طیبہ نگر دیا
Khush bakht hain wo log jinhe mil gaya baqeea
Un ko mere Kareem ne Taiba nagar diya
کتنے ہیں خوش نصیب یہ صدیق اور عمر
جن کو حضورِ پاک نے پہلو میں گھر دیا
Kitne hain khush naseeb ye Siddiq aur Umar
Jin ko Huzoor-e-Paak ne pehlu mein ghar diya
تھوڑے سہی پہ لڑ گئے اعدائے دین سے
ایماں بنا کے آپ نے ، تیغ و سپر دیا
Thode sahi pe lar gaye a’daye deen se
Emaan bana ke aap ne, tegh o sipar diya
خضرا کا نور دیکھا تھا اک دن جلیل نے
اس منظرِ حسین نے مدہوش کر دیا
Khizra ka noor dekha tha ik din Jaleel ne
Is manzar-e-Haseen ne madhosh kar diya
Share This Naat
Share with friends and family
جود و کرم کریم نے جس پر بھی
حافظ عبدالجلیل