’’جوارِ گُنبدِ اَخضر میں رحمت کی چھما چھم ہے‘‘
درِ آقا پہ نُزہت ہے ، نظافت کی چھما چھم ہے
"*"Jawar-e-Gunbad-e-Akhdar mein rehmat ki chhama chham hai"*
Dar-e-Aqa pe nuzhat hai, nazafat ki chhama chham hai
مؤاخاتِ مدینہ کا عجب پُر کیف ہے منظر
کہ انصار و مہاجر پر اخوّت کی چھما چھم ہے
Mo'akhat-e-Madina ka ajab pur kaif hai manzar
Ke Ansaar o Muhajir par akhuwwat ki chhama chham hai
جہاں سدرہ پہ رک جاتے ہیں جبریلِ امیں جیسے
وہاں پر بھی مرے آقا پہ رفعت کی چھما چھم ہے
Jahan Sidra pe ruk jaate hain Jibreel-e-Ameen jaise
Wahan par bhi mere Aqa pe rufat ki chhama chham hai
وہ جس ماحول میں کِذب و خیانت راج کرتی تھی
وہاں سرکار پر صدق و دیانت کی چھما چھم ہے
Woh jis mahol mein kizb o khiyanat raj karti thi
Wahan Sarkaar par sidq o dyanat ki chhama chham hai
اِدھر ہیں تین سو تیرہ ، اُدھر ہیں سہ گُنا بڑھ کر
مگر اللہ کی ان پر اعانت کی چھما چھم ہے
Idhar hain teen so teerah, udhar hain seh guna barh kar
Magar Allah ki un par iyanat ki chhama chham hai
مخاطب جانی دشمن ہے ، ترا لہجہ ہے شہد ایسا
یہ لہجے میں ہمیشہ سے حلاوت کی چھما چھم ہے
Mukhatib jani dushman hai, tera lehja hai shahd aisa
Ye lehje mein hamesha se halawat ki chhama chham hai
کہ سایہ بھی نہیں پڑتا زمیں پر اُن کے پیکر کا
مرے آقا پہ اس درجہ لطافت کی چھما چھم ہے
Ki saya bhi nahi parta zameen par un ke paikar ka
Mere Aqa pe is darja latafat ki chhama chham hai
جو نامُوسِ رسالت پر تصدق جان کرتے ہیں
اُنہی کے تو مقدر میں شہادت کی چھما چھم ہے
Jo namoos-e-Risalat par tasadduq jaan karte hain
Unhi ke to muqaddar mein shahadat ki chhama chham hai
دلِ مٰضطر ہوا آزاد دنیا کے ہر اک غم سے
کہ ہر لمحہ ترے لطف و عنایت کی چھما چھم ہے
Dil-e-Muztar hua aazad dunya ke har ik gham se
Ke har lamha tere lutf o inayat ki chhama chham hai
وہ ہر سائل کو دیتے ہیں طلب سے بھی کہیں بڑھ کر
درِ قاسم پہ ہر لمحہ سخاوت کی چھما چھم ہے
Woh har sail ko dete hain talab se bhi kahin barh kar
Dar-e-Qasim pe har lamha sakha wat ki chhama chham hai
گنہ گاروں کو محشر میں ملی دوزخ سے آزادی
کہ اُن پر میرے آقا کی شفاعت کی چھما چھم ہے
Gunahgaaron ko mahshar mein mili dozakh se azadi
Ke un par mere Aqa ki shafa'at ki chhama chham hai
کیا ہے وار دُشمن نے جو عثمانِ غنی تُجھ پر
لبوں پر اُس گھڑی تیرے تلاوت کی چھما چھم ہے
Kiya hai waar dushman ne jo Usman-e-Ghani tujH par
Labon par us ghadi tere talawat ki chhama chham hai
جلیلِ بے ہُنر کو بھی ملی توفیق مدحت کی
خوشا ! ایسے نکمّے پر سعادت کی چھما چھم ہے
Jalil-e-be hunar ko bhi mili taufiq madhat ki
Khusha! aise nikame par sa’adat ki chhama chham hai
Share This Naat
Share with friends and family
جوارِ گُنبدِ اَخضر میں
حافظ عبدالجلیل