جبیں پہ نقش درِ مصطفؐےٰ کے لایا ہوں
خدا کا قرب بہت دور جا کے لایا ہوں
Jabeen pe naqsh dar-e-Mustafaye ke laaya hoon
Khuda ka qurb bohat door ja ke laaya hoon
اب اپنی صحتِ باطن کا مجھ کو فکر نہیں
طبیبِ عشق سے نسخے دعا کے لایا ہوں
Ab apni sehat-e-baatin ka mujh ko fikr nahin
Tabeeb-e-ishq se nuskhe dua ke laaya hoon
نشانِ پائے محمدؐ تھے جا نماز مری
میں جا نماز سے کعبہ اٹھا کے لایا ہوں
Nishan-e-paaye Muhammad the jaa namaz meri
Main jaa namaz se Kaaba utha ke laaya hoon
ہر ایک سنگ کو چاٹا تھا میری آنکھوں نے
نظر میں ذائقے غارِ حرا کے لایا ہوں
Har aik sang ko chaata tha meri aankhon ne
Nazar mein zaaike ghar-e-Hira ke laaya hoon
مہکتے رہتے ہیں اندر گرے ہوئے آنسو
یہ عطرِ عشق وہیں سے لگا کے لایا ہوں
Mehakte rehte hain andar gire hue aansoo
Ye atar-e-ishq wahin se laga ke laaya hoon
کروں گا جسم بدر اب ہر اک سیا ہی کو
چراغ خون کے اندر جلا کے لایا ہوں
Karoon ga jism Badar ab har ek siya hi ko
Chiragh khoon ke andar jala ke laaya hoon
مظفر اپنے وطن کی فضا سجاؤں گا
گلی سے آپؐ کی جھونکے ہوا کے لایا ہوں
Muzaffar apne watan ki fiza sajaoon ga
Gali se Aap ki jhonke hawa ke laaya hoon
Share This Naat
Share with friends and family
جبیں پہ نقش درِ مصطفؐےٰ کے لایا ہوں
مظفر وارثی