مظہرِ حسنِ ازل نورا لہدیٰ کے سامنے
کائناتِ حسن کیا ہے مصطفےٰ کے سامنے
Mazhar-e-husn-e-azal noora lahda ke samne
Kainaat-e-husn kya hai Mustafa ke samne
جب مِرے سرکار کی آمد ہوئی تھی دہر میں
دور تک نوری فضا تھی آمنہ کے سامنے
Jab mere Sarkar ki aamad hui thi daur mein
Dur tak noori fiza thi Aamna ke samne
رحمتہ للعالمیں کا اس لیے سایہ نہ تھا
ٹِک نہ سکتا تھا اندھیرا مصطفےٰ کے سامنے
Rehmatulil Aalamin ka is liye saaya na tha
Tik na sakta tha andhera Mustafa ke samne
جیسے ہی دیکھا وسیلہ احمدِ مختار کا
خود اجابت آگئی چل کر دعا کے سامنے
Jaise hi dekha waseela Ahmad-e-Mukhtar ka
Khud ijabat aagayi chal kar dua ke samne
اُن کی دھرتی پر مِرے ناپاک قدموں کے نشاں ؟
مجھ سا عاصی اور درِ خیرالوریٰ کے سامنے ؟
Unki dharti par mere naapak kadmon ke nishaan?
Mujh sa aasi aur dar-e-khairulwara ke samne?
جب درودِ پاک پڑھتا ہے تو ساری مشکلیں
سر جھکاتی ہیں شفیقِؔ خوشنوا کے سامنے
Jab durood-e-Pak padhta hai to sari mushkilain
Sar jhukati hain Shafeeq-e-khoshnawa ke samne
Share This Naat
Share with friends and family
مظہرِ حسنِ ازل نورا لہدیٰ کے سامنے
شفیق ؔ رائے پوری