حضورِ کعبہ حاضر ہیں حرم کی خاک پر سر ہے
بڑی سرکار میں پہنچے مقدر یاوَری پر ہے
Huzoor-e-Ka'ba haazir hain haram ki khaak par sar hai
Bari sarkar mein pohnche muqaddar yaawari par hai
نہ ہم آنے کے لائق تھے نہ مونھ قابل دکھانے کے
مگر اُن کا کرم ذَرَّہ نواز و بندہ پروَر ہے
Na hum aane ke laayak the na mounh qabil dikhanay ke
Magar un ka karam zarra nawaz o banda parwar hai
خبر کیا ہے بھکاری کیسی کیسی نعمتیں پائیں
یہ اونچا گھر ہے اس کی بھیک اَندازہ سے باہر ہے
Khabar kya hai bhikari kesi kesi na'imatain payi
Ye ooncha ghar hai iski bheek andaza se bahar hai
تصدق ہو رہے ہیں لاکھوں بندے گرد پھر پھر کر
طوافِ خانۂ کعبہ عجب دلچسپ منظر ہے
Tasaddu aq ho rahe hain laakhon banday gird phir phir kar
Tawaaf-e-Khana-e-Ka'ba ajab dilchasp manzar hai
خدا کی شان یہ لب اور بوسہ سنگ اَسود کا
ہمارا مونھ اَور اس قابل عطائے ربِّ اَکبر ہے
Khuda ki shaan ye lab aur bosa sang aswad ka
Hamare mounh aur is qabil ata-e-Rabb-e-Akbar hai
جو ہیبت سے رُکے مجرم تو رحمت نے کہا بڑھ کر
چلے آؤ چلے آؤ یہ گھر رَحْمٰن کا گھر ہے
Jo haybat se ruke mujrim to rehmat ne kaha barh kar
Chale aao chale aao ye ghar Rahman ka ghar hai
مقامِ حضرتِ خلت پدر سا مہرباں پایا
کلیجہ سے لگانے کو حطیم آغوشِ مَادَر ہے
Maqam-e-Hazrat-e-Khalil pider sa mehrban paaya
Kalija se lagane ko Hateem aaghosh-e-Madar hai
لگاتا ہے غلافِ پاک کوئی چشم پرنم سے
لپٹ کر ملتزم سے کوئی محوِ وصلِ دِلبر ہے
Lagata hai ghilaf-e-pak koi chashm parnam se
Lipat kar multazam se koi mehve wasl-e-dilbar hai
وطن اور اس کا تڑکا صدقے اس شامِ غریبی پر
کہ نورِ رُکن شامی رُوکشِ صبح منور ہے
Watan aur is ka tarkha sadqay is shaam-e-ghareebi par
Ke noor-e-Rukn-e-Shami rookaish-e-subhh-e-manwar hai
ہوئے اِیمان تازہ بوسۂ رُکن یمانی سے
فدا ہو جاؤں یمن و اَیمنی کا پاک منظر ہے
Hue imaan taza bosa-e-Rukn Yamani se
Fida ho jao Yemen o Aymani ka paak manzar hai
یہ زمزم اس لئے ہے جس لئے اس کو پئے کوئی
اسی زَمزم میں جنت ہے اسی زَمزم میں کوثر ہے
Ye Zamzam is liye hai jis liye isko piye koi
Isi Zamzam mein jannat hai isi Zamzam mein kausar hai
شفا کیوں کر نہ پائیں نیم جاں زہر معاصی کے
کہ نظارہ عراقی رکن کا تریاقِ اَکبر ہے
Shifa kyun kar na paye neem jaan zeher-e-maasi ke
Ke nazara-e-Iraqi Rukn ka tarya'q-e-akbar hai
صفائے قلب کے جلوے عیاں ہیں سعی مسعٰی سے
یہاں کی بے قراری بھی سکونِ جانِ مضطر ہے
Safaye qalb ke jalwe ayaa hain sa'i-e-mas'aa se
Yahan ki beqarari bhi sukoon-e-jaan-e-muzter hai
ہوا ہے پیر کا حج پیر نے جن سے شرف پایا
انہیں کے فضل سے دن جمعہ کا ہر دن سے بہتر ہے
Hua hai peer ka hajj peer ne jin se sharaf paaya
Unhin ke fazl se din jumah ka har din se behtar hai
نہیں کچھ جمعہ پر موقوف اَفضال و کرم اُن کے
جو وہ مقبول فرما لیں تو ہر حج حج اَکبر ہے
Nahin kuch jumah par mauqoof afzaal o karam un ke
Jo woh maqbool farma lein to har hajj hajj-e-akbar hai
حسنؔ حج کر لیا کعبہ سے آنکھوں نے ضیا پائی
چلو دیکھیں وہ بستی جس کا رَستہ دِل کے اندر ہے
Hassan hajj kar liya ka'ba se aankhon ne ziya paayi
Chalo dekhein woh basti jis ka rastha dil ke andar hai
Share This Naat
Share with friends and family
حضورِ کعبہ حاضر ہیں حرم کی خاک پر سر ہے
حسن رضا خان