اُن کا ہوا تو خاص حوالے میں آ گیا
تاریکیوں سے بچ کے اُجالے میں آ گیا
Un ka hua to khaas hawale mein aa gaya
Tariqioun se bach ke ujale mein aa gaya
ستّر کے واسطے جو کفایت کرے ، وہ دودھ
اُن کی نظر سے ایک پیالے میں آ گیا
Sattar ke wastay jo kifayat kare, woh doodh
Un ki nazar se aik pyaale mein aa gaya
تب روشنی بھی چاند کی بڑھتی چلی گئی
جب سے وہ تیرے نُور کے ہالے میں آ گیا
Tab roshni bhi chaand ki barhti chali gayi
Jab se woh tere noor ke haale mein aa gaya
ذکرِ رسولِ پاک جو صدیوں پہ ہے مُحیط
کیسے یہ مان لُوں کہ مقالے میں آ گیا
Zikr-e-Rasool-e-Pak jo sadiyoun pe hai muhiit
Kaise yeh maan loon ke maqale mein aa gaya
مُژدہ سُنا جو آپ سے ، مزدور کِھل اُٹھا
آنسو خوشی کا ہاتھ کے چھالے میں آ گیا
Mujda suna jo aap se, mazdoor khil utha
Aansoo khushi ka haath ke chhaale mein aa gaya
اُترا جو بارِ اِثم تو ہلکا ہوا بدن
جیسے نکل کے رُوئی کے گالے میں آ گیا
Utra jo baar-e-ism to halka hua badan
Jaise nikal ke rooi ke gaale mein aa gaya
گریہ کُناں کا اُس نے مُقدّر بدل دیا
آنسو جو آدھی رات کے نالے میں آ گیا
Giryah kunaan ka us ne muqaddar badal diya
Aansoo jo aadhi raat ke naale mein aa gaya
اُس کو نکلنا واں سے گوارا ہے کب جلیل
جو بھی نگاہِ یار کے تالے میں آ گیا
Us ko nikalna waan se gawara hai kab Jaleel
Jo bhi nigah-e-yaar ke taale mein aa gaya
Share This Naat
Share with friends and family
اُن کا ہوا تو خاص حوالے میں آ گیا
حافظ عبدالجلیل