من موہ لیا عالم مسارے دا محبُوب خُدا دیاں گلّاں نیں
اوہدے فقر غنا دیاں قِصیاں نے اوہدی جود سخادیاں گلّاں نیں
Man moh lia alam masaare da mahboob khuda diyaan gallaan ne
Ohde faqr ghina diyaan kissiyaan ne ohdi jood sakhadiyaan gallaan ne
سارے قرآن دے وِچ ربّ نے تعریفاں اوہدیاں کیتیاں نیں
کِتے مُکھ اُوہدے دیاں قَسماں نے کِتے زلف دوتا دیاں گلّاں نیں
Saare Quran de vich Rabb ne tareefaan ohdiyan keetiyan ne
Kite mukh ohde diyaan qasmaan ne kite zulf dota diyaan gallaan ne
جو حُکم وی دِتّے حضرتؐ نے بے شک اوہ حُکم خُدا دے نیں
جو پاک نبیؐ فرمائیاں نیں بے شک اوہ خُدا دیا ں گلّاں نیں
Jo hukum vi ditte Hazrat ne be shak oh hukum khuda de ne
Jo paak Nabi farmayiaan ne be shak oh khuda diyaan gallaan ne
جو نام لیاں کم بندے نیں ، اوہ نام اوسے سرکاردا اے
جنہاں دا اے چرچا ہر پاسے اوہ اوس پیا دیاں گلّاں نیں
Jo naam liyaan kam bande ne, oh naam ose Sarkaar da ae
Jenhaan da ae charcha har paase oh os piya diyaan gallaan ne
جس پتّھر کھادے لوکاں توں، جس دَند تڑائے وِچ جنگاں
اوسے سرکارؐ دے کنبے تے بس ختم وفا دیاں گلّاں نیں
Jis patthar khaade lokaan to, jis dand taraye vich janga
Ose Sarkaar de kanbe te bas khatam wafa diyaan gallaan ne
Share This Naat
Share with friends and family
من موہ لیا عالم مسارے دا محبُوب خُدا دیاں گلّاں نیں
حفیظ تائب