رُخِ مصطفٰیؐ کی ہے روشنی یہ چمک جو شمس و قمر میں ہے
رُخِ مُصطفٰیؐ کا ہی عکس ہے یہ دمک جو لعل و گہر میں ہے
Rukh-e Mustafaؐ ki hai roshni ye chamak jo shams o qamar mein hai
Rukh-e Mustafaؐ ka hi aks hai ye damak jo laal o gaur mein hai
جو اٹھا رہا ہے قسم خدا وہ ترا ہے چہرۂ دلربا!
کہ تُوئی سراجِ منیر ہے یہ قمر بھی تیرے اثر میں ہے
Jo uthha raha hai qasam khuda wo tera hai chehra-e dilruba!
Ke tuhi sareaj-e muneer hai ye qamar bhi tere asar mein hai
ترے ہجر کی جو ہیں ساعتیں ،یہ سکون سارا ہی لے گئیں
سو مداوا اس کا تمہی تو ہو، یہ جو درد میرے جگر میں ہے
Tere hijr ki jo hain sa'atain, ye sukoon sara hi le gayin
So madawa is ka tumhi to ho, ye jo dard mere jigar mein hai
یہ تری جو انگلی اٹھے اگر چلا آئے سورج لوٹ کر
ہوترا اشارہ چلیں شجر، وہ کمال تیری نظر میں ہے
Ye teri jo ungli uthe agar chala aye suraj laut kar
Ho tera ishaara chalein shajar, wo kamaal teri nazar mein hai
ترے نقشِ پا کی ہے جستجو جو تلاشِ حق میں ہے رہنما
اِسی نقشِ پا کی تلاش میں ، مِری روح کب سے سفر میں ہے
Tere naqsh-e pa ki hai justaju jo talash-e haq mein hai rehnama
Isi naqsh-e pa ki talash mein, meri rooh kab se safar mein hai
مری زیست کیف سے ہے تہی سو بلا لیں اب تو مجھے نبیؐ
میرا دل بھی ہو کبھی آشنا وہ جو کیف تیرے نگر میں ہے
Meri zeist kaif se hai tahee so bula lein ab to mujhe Nabiؐ
Mera dil bhi ho kabhi aashna wo jo kaif tere nagar mein hai
ہے جلیل ان سا کوئی نہیں یہ سبھی نے مانا ہے بالیقیں
کہ سکون ایسا کہیں نہیں جو قدومِ خیرِ بشر میں ہے
Hai Jaleel un sa koi nahi ye sabhi ne mana hai ba yaqeen
Ke sukoon aisa kahin nahi jo qudoom-e khair-e bashar mein hai
Share This Naat
Share with friends and family
رُخِ مصطفٰیؐ کی ہے روشنی
حافظ عبدالجلیل