جان و دِل یارب ہو قربانِ حبیبِ کبریا
اور ہاتھوں میں ہو دامانِ حبیبِ کبریا
Jaan o dil ya rab ho qurban-e-Habib-e-Kibriya
Aur haathon mein ho daaman-e-Habib-e-Kibriya
آنکھ میں ہو نورِ دَندانِ حبیبِ کبریا
سر میں ہو سودا و اَرمانِ حبیبِ کبریا
Aankh mein ho noor-e-dandaan-e-Habib-e-Kibriya
Sar mein ho soda o armaan-e-Habib-e-Kibriya
اُن کے فیضِ نور نے کونین کو روشن کیا
دونوں عالم پر ہے احسانِ حبیبِ کبریا
Un ke faiz-e-noor ne konain ko roshan kiya
Dono aalam par hai ihsaan-e-Habib-e-Kibriya
زندگی ہو یا مجھے موت آئے دونوں حال میں
میں ہوں یارب اور بیابانِ حبیبِ کبریا
Zindagi ho ya mujhe maut aaye dono haal mein
Mein hoon ya rab aur bayaabaan-e-Habib-e-Kibriya
کیسا فخر و ناز ہو اپنے مقدر پر اگر
سگ بنائیں مجھ کو دَربانِ حبیبِ کبریا
Kaisa fakhr o naaz ho apne muqaddar par agar
Sagh banayein mujh ko darban-e-Habib-e-Kibriya
اِک نظر دیکھو جمالِ آفتابِ ہاشمی
میری آنکھوں پر ہو احسانِ حبیبِ کبریا
Ik nazar dekho jamaal-e-aftaab-e-Hashmi
Meri aankhon par ho ihsaan-e-Habib-e-Kibriya
بن کے منگتا ان کے دَر کے شاہِ عالم ہوگئے
اے زہے قسمت گدایانِ حبیبِ کبریا
Ban ke mangta un ke dar ke Shah-e-Aalam hogaye
Ae zahe qismat gadayaan-e-Habib-e-Kibriya
تار ہے گورِ غریباں وقت ہے اِمْداد کا
میں فدا شمع شبستانِ حبیبِ کبریا
Taar hai ghor-e-ghareebaan waqt hai imdaad ka
Mein fida shama shabistaan-e-Habib-e-Kibriya
لٹ رہی ہے ساقیِ کوثر کے میخانہ میں مے
جوش میں ہیں آج مستانِ حبیبِ کبریا
Lat rahi hai Saqi-e-Kausar ke maikhana mein mai
Josh mein hain aaj mastaan-e-Habib-e-Kibriya
صاحب لَوْلَاک کے باعث ہوئی اِیجاد خلق
ماسوی اللہ سب ہے سامانِ حبیبِ کبریا
Saahib Lowlak ke baais hui iijaad khalq
Masiva Allah sab hai samaan-e-Habib-e-Kibriya
راہِ حق میں دے کے سر قربانِ جاناں ہوگئے
کیوں نہ ہوں زِندہ شہیدانِ حبیبِ کبریا
Raah-e-haq mein de ke sar qurban-e-janaan hogaye
Kyun na hoon zinda shaheedaan-e-Habib-e-Kibriya
بٹتا ہے کونین میں باڑا اُسی سرکار کا
ہیں زمین و آسماں خوانِ حبیبِ کبریا
Batta hai konain mein baara usi sarkaar ka
Hain zameen o aasman kwaan-e-Habib-e-Kibriya
عہد رب نے روزِ میثاق انبیا سے لے لیا
سر پہ لیں پھر کیوں نہ فرمانِ حبیبِ کبریا
Ahd Rab ne roz-e-misaaq ambiya se le liya
Sar pe lein phir kyun na farmaan-e-Habib-e-Kibriya
کچھ نشاں پایا نہ اب تک مہر و مہ چکر میں ہیں
اس قدر اُونچا ہے ایوانِ حبیبِ کبریا
Kuch nishaan paaya na ab tak mehr o mah chakkar mein hain
Is qadar oncha hai aiwaan-e-Habib-e-Kibriya
اپنی اُمت میں کیا اپنی جماعت میں لیا
تجھ پہ جاں قربان احسانِ حبیبِ کبریا
Apni ummat mein kya apni jamaat mein liya
Tujh pe jaan qurban ihsaan-e-Habib-e-Kibriya
کون ہے جو اُن کے خوانِ فضل سے محروم ہے
ہیں خلیلِ حق بھی مہمانِ حبیبِ کبریا
Kaun hai jo un ke kwaan-e-fazl se mehroom hai
Hain Khalil-e-Haq bhi mehmaan-e-Habib-e-Kibriya
جس کے بلبل ہیں ابوبکر و عمر عثماں علی
رشکِ جنت ہے وہ بستانِ حبیبِ کبریا
Jis ke bulbul hain Abu Bakr o Umar Usman Ali
Rashk-e-jannat hai wo bustaan-e-Habib-e-Kibriya
غارِ تیرہ میں جو کاٹا سانپ نے پروا نہ کی
آفریں اے جاں نثارانِ حبیبِ کبریا
Ghaar-e-teerah mein jo kaata saanp ne parwa na ki
Aafreen ae jaan nisaraan-e-Habib-e-Kibriya
خوابِ مولیٰ پر نمازِ عصر کو قرباں کیا
ایسے ہوتے ہیں فدایانِ حبیبِ کبریا
Khawab-e-Moulaa par namaz-e-asr ko qurban kiya
Aise hotay hain fidaayaan-e-Habib-e-Kibriya
ہم سیہ کاروں کی بخشش کی کوئی صورت نہیں
جز ترے اے چشم گریانِ حبیبِ کبریا
Hum siyah kaaron ki bakhshish ki koi soorat nahi
Jaz tare ae chashm giryaan-e-Habib-e-Kibriya
عقل عالم کی رَسائی اُن کے رتبے تک محال
ہاں خدا سے پوچھئے شانِ حبیبِ کبریا
Aqal aalam ki rasaa'i un ke rutbe tak mahaal
Haan Khuda se poochiye shaan-e-Habib-e-Kibriya
تجھ سے کب ممکن ہے مِدحت اے جمیلؔ قادری
بس خدا خود ہے ثنا خوانِ حبیبِ کبریا
Tujh se kab mumkin hai midhat ae Jameel Qadri
Bas Khuda khud hai sana khwaan-e-Habib-e-Kibriya
فیض مرشد ہے جمیلؔ قادری تم پر کہ سب
تم کو کہتے ہیں ثنا خوانِ حبیب کبریا
Faiz murshid hai Jameel Qadri tum par ke sab
Tum ko kehte hain sana khwaan-e-Habib Kibriya
Share This Naat
Share with friends and family
جان و دِل یارب ہو قربانِ حبیبِ کبریا
جمیل الرحمن قادری