فضل مولا کے طلبگار مدینے دیکھے
عشق محبوب کے بیمار مدینے دیکھے
Fazl e Mola ke talabgar Madine dekhe
Ishq e Mehboob ke beemar Madine dekhe
ہر گھڑی صلِ علیٰ کی ہیں صدائیں ہر سو
ذکر کرتے درو دیوار مدینے دیکھے
Har ghari Sall e Ala ki hain sadaen har soo
Zikr karte daro deewar Madine dekhe
چشم حیرت کو بھی حیرت میں تھا ڈوبے پایا
جس گھڑی مجھ سے گنہ گار مدینے دیکھے
Chashm e hairat ko bhi hairat mein tha doobay paya
Jis ghari mujh se gunahgar Madine dekhe
دیکھ کر ساقی کوثر کا کھلا میخانہ
سر بسجدہ سبھی میخوار مدینے دیکھے
Dekh kar saaqi e kausar ka khula maikhana
Sar basajda sabhi maikhaar Madine dekhe
مستیاں جلوہ محبوب پہ قربان ہوئیں
جھومتے کوچہ و بازار مدینے دیکھے
Mastiyaan jalwa e mehboob pe qurbaan huwein
Jhoomte koocha o bazaar Madine dekhe
جس کو ملتی نہیں تسکین زمانے میں کہیں
وہ ذرا جا کے بس اک بار مدینے دیکھے
Jis ko milti nahin taskeen zamane mein kahin
Woh zara ja ke bus ik baar Madine dekhe
چشم خورشید نے جب دیکھا تو دیکھا نہ گیا
اللہ اللہ وہ انوار مدینے دیکھے
Chashm e khursheed ne jab dekha to dekha na gaya
Allah Allah woh anwar Madine dekhe
انکی یادوں سے ہیں روشن میرے اشکوں کے چراغ
داغ حسرت بھی ضیا بار مدینے دیکھے
Unki yaadon se hain roshan mere ashkon ke charaagh
Daagh e hasrat bhi zia baar Madine dekhe
راستے ایسے مہکتے ہیں کہ گزرے ہیں حضور ﷺ
ہر قدم پر کھلے گلزار مدینے دیکھے
Raste aise mehakty hain keh guzre hain Huzoor ﷺ
Har qadam par khulay gulzar Madine dekhe
یا نبی اتنے نیازی کے وسائل کر دے
زندگی میں تیرا دربار مدینے دیکھے
Ya Nabi itne Niazi ke wasail kar de
Zindagi mein tera darbar Madine dekhe
Share This Naat
Share with friends and family
فضل مولا کے طلبگار مدینے دیکھے
عبدالستار نیازی