بَسے ہوئے ہیں نگاہوں میں بام و دَر اب تک
متاعِ چشم مدینے کا ہے سفر اب تک
Base hue hain nigahon mein bam o dar ab tak
Mata-e-chashm Madine ka hai safar ab tak
رسولؐ ِحق کی نہ شاید ہوئی نظر اب تک
بھٹک رہا ہے جو کوئی اِدھر اُدھر اب تک
Rasool-e-Haq ki na shayad hui nazar ab tak
Bhatak raha hai jo koi idhar udhar ab tak
نصیب ہو نہ سکی جس کو مصطفیٰ ؐ کی ضیاء
نظر میں اُس کی ہے تاریک ہر سحر اب تک
Naseeb ho na saki jis ko Mustafa ki zia
Nazar mein us ki hai tareek har sehar ab tak
جو دیکھ آیا ہُوں اُن کے درِ مُعلّٰے پر
وہی سماں ہے نگاہوں میں جلوہ گر اب تک
Jo dekh aaya hoon un ke dar-e-Mual’a par
Wohi sama hai nigahon mein jalwa gar ab tak
وہ بارگاہ، وہ جلوے، وہ نُورِ ذات و صفات
ہے دل کو وجد، تو حیرت میں ہے نظر اب تک
Wo bargah, wo jalwe, wo noor-e-zat o sifat
Hai dil ko wajd, to heran hai nazar ab tak
ذرا سی دیر بھی ٹھہرا جہاں وہ جانِ جہاں
مہک رہا ہے خدا کی قسم، وہ گھر اب تک
Zara si der bhi thehra jahan wo jan-e-jahan
Mehak raha hai Khuda ki qasam, wo ghar ab tak
خدا کے بعد رسولِؐ خدا ہیں دل کی مُراد
نظر پڑا نہ کوئی ایسا چارہ گر اب تک
Khuda ke baad Rasool-e-Khuda hain dil ki murad
Nazar para na koi aisa chara gar ab tak
جسے لگاؤ نہیں اُن کی ذاتِ عالی سے
وہ بد نصیب، خدا سے ہے بے خبر اب تک
Jise lagaao nahi un ki zat-e-aali se
Wo bad naseeb, Khuda se hai be khabar ab tak
مِلی جو ہجر میں اُن کے، ہمارے آنسو کو
وہ آب پا نہ سکا کوئی بھی گُہَر اب تک
Mili jo hijr mein un ke, hamare aansoo ko
Wo aab pa na saka koi bhi guhar ab tak
نصیرؔ! ڈھونڈتا پھرتا ہے دل دیارِ حجاز
وہی مقام ہے دنیا میں معتبر اب تک
Naseer! Dhoondta phirta hai dil deyara-e-Hijaz
Wohi maqam hai duniya mein mo'tabar ab tak
Share This Naat
Share with friends and family
بَسے ہوئے ہیں نگاہوں میں بام و دَر اب تک
سید نصیرالدیں نصیر