تاریک دلِ زار ہے ، صد رشکِ قمر کر
اے مہرِ کرم میری شبِ غم کو سحر کر
Tareek dil-e-zar hai, sad rashk-e-qamar kar
Ae mehr-e-karam meri shab-e-gham ko sehar kar
اے بحرِ عطا ! مخزنِ اَصداف و جواہر !
میں قطرۂِ بے مایہ ہوں ،تابندہ گہر کر !
Ae bahr-e-ata! Makhzan-e-asdaf o jawahir!
Main qatra-e-be maaya hoon, tabinda gohar kar!
انگشت کا اعجاز نمایاں ہو دوبارہ
دل چیر کے عاشق کا عیاں شقِّ قمر کر
Angusht ka eijaaz numayaan ho dobaara
Dil cheer ke aashiq ka ayaan shaq-e-qamar kar
تمدیح کو حرفوں کے ستارے ہوں میسر
افلاکِ تکلم پہ مجھے ماہِ ہنر کر
Tamdeeh ko harfon ke sitaare hon mayassar
Aflak-e-takallum pe mujhe maah-e-hunar kar
بانوئے سخن چاہتی ہے بننا سنورنا
اے آئنۂِ مدحتِ شہ ! رُخ کو اِدھر کر
Banooye sukhan chahti hai ban'na sanwarna
Ae aaeena-e-mad'hat-e-shah! Rukh ko idhar kar
اے جانِ تمنا ! مری بر آئیں مرادیں
اے کانِ عنایات ! دعاؤں کو اثر کر
Ae jaan-e-tamanna! Meri bar aayen muraaden
Ae kaan-e-inaayaat! Dua'on ko asar kar
حاتم کا نہیں در یہ در شاہ معظمؔ
کہنا نہیں پڑتا کہ کرم بارِ دگر کر
Hatim ka nahi dar yeh dar shah mo'azzam
Kehna nahi padta ke karam baar-e-digr kar
Share This Naat
Share with friends and family
تاریک دلِ زار ہے ، صد رشکِ قمر کر
معظم سدا معظم مدنی