پانی لالا پھاوے ہوئے
رُوح رُکھ نہ ساوے ہوئے
Paanee laala phaave hoe
Ruh rukh na saave hoe
شُتر اسوار نہ پائی جھاتی
سُنجے سوچ کچاوے ہوئے
Shutar iswaar na paaee jhaati
Sunje soch kachaave hoe
رنگاں والے شہر نہ اَپڑے
رنگو رنگ پتاوے ہوئے
Rangan vaale shehar na apde
Rango rang pataave hoe
آس دا بھانڈا اِک نہ پکیا
دُھکھ دُھکھ سواہ دِل آوے ہوئے
Aas da bhaanda ik na pakia
Dhukh dhukh sawaah dil aave hoe
اُجڑی نیں یاداں دی وَستی
غم دے لکّھاں دھاوے ہوئے
Ujri ne yaadaan di vasti
Gham de lakhaan dhaave hoe
چن خیال تِرے دا چڑھیا
غائب وھم بڈاوے ہوئے
Chan khayal tire da charhia
Ghaib vehm badaave hoe
رحمت ہر دم نال سی تائب
خالی کدوں کلاوے ہوئے
Rehmat har dam naal si taib
Khaali kadon kalaave hoe
Share This Naat
Share with friends and family
پانی لالا پھاوے ہوئے
حفیظ تائب