سرِ نظارت رخِ مدینہ کہاں سے لاؤں
عجم کی مٹی ہوں طورِ سینا کہاں سے لاؤں
Sar-e-Nazrat rukh-e-Madina kahan se laoon
Ajam ki mitti hoon tor-e-seena kahan se laoon
حضورِ اکرم سُنیں تو ہولے سے مسکرا دیں
میں نعت کہنے کا وہ قرینہ کہاں سے لاؤں
Huzoor-e-Akram sunein to holay se muskara dein
Main naat kehne ka woh qareena kahan se laoon
مہک تو سکتے ہیں اب بھی دونوں جہان لیکن
میں شاہِ ابرار کا پسینہ کہاں سے لاؤں
Mehak to sakte hain ab bhi dono jahan lekin
Main Shah-e-Abrar ka paseena kahan se laoon
میں دیکھ پاؤُں شہِ مکرم کے نرم تلوے
میں وہ مقدر وہ چشمِ بینا کہاں سے لاؤں
Main dekh paoon Sheh-e-Mukarram ke narm talway
Main woh muqaddar woh chashm-e-beena kahan se laoon
جسے مدینے کے کنکروں کی مثال سمجھوں
وہ لعلِ نایاب وہ نگینہ کہاں سے لاؤں
Jise Madine ke kankron ki misaal samjhoon
Woh laal-e-nayaab woh nageena kahan se laoon
ربیعِ اول مسرتیں بانٹتا ہے ہر سو
میں ہر مہینے وہی مہینہ کہاں سے لاؤں
Rabi-ul-Awwal musarratein baantta hai har soo
Main har maheenay wohi maheena kahan se laoon
جو نعلِ پائے رسول تک دے رسائی مجھ کو
میں بے ہنر وہ رفیع زینہ کہاں سے لاؤں
Jo Naal-e-Paye Rasool tak de rasai mujhko
Main bay hunar woh rafi zeena kahan se laoon
Share This Naat
Share with friends and family
سرِ نظارت رخِ مدینہ کہاں سے لاؤں
اشفاق احمد غوری