زندگی جب تھی، یہ جینے کا قرینہ ہوتا
رُخ سُوئے کعبہ، تو دل سُوئے مدینہ ہوتا
Zindagi jab thi, yeh jeenay ka qareena hota
Rukh soo-e Kaaba, to dil soo-e Madina hota
نعرہ طوفاں میں جو ’’یا شاہِؐ مدینہ‘‘ ہوتا
غیر ممکن تھا کہ غرقاب سفینہ ہوتا
Naara e taufaan mein jo "Ya Shah-e Madina" hota
Ghair mumkin tha keh gharqaab safeena hota
یُوں مدینے میں شب و روز گزرتے اپنے
دن صدی ہوتا، ہر اک لمحہ مہینہ ہوتا
Yoon Madine mein shab o roz guzarte apne
Din sadi hota, har ik lamha mahina hota
گرمیٔ حُسنِ رسالت کی اِسے تاب کہاں
ورنہ کیوں کفر کے ماتھے پہ پسینہ ہوتا
Garmi-e husn-e Risalat ki ise taab kahaan
Warna kyun kufr ke maathe pe paseena hota
جلوۂ سرورِؐ کونین سماتا اُس میں
کاش اِتنا تو کُشادہ مِرا سینہ ہوتا
Jalwa-e Sarwar-e Kownain samata us mein
Kaash itna to kushada mera seena hota
اُسوۂ پاک پہ کرتی جو عمل آج اُمّت
کسی دل میں نہ کَپٹ ہوتی، نہ کِینہ ہوتا
Uswa-e Paak pe karti jo amal aaj Ummat
Kisi dil mein na kapat hoti, na keena hota
پر توِ حُسنِ نبیؐ کی جو جھلک پڑ جاتی
داغ کہتے ہیں جسے، دل کا نگینہ ہوتا
Partow-e husn-e Nabi ki jo jhalak parh jati
Daagh kehte hain jise, dil ka nageena hota
یہی خواہش تھی، یہی اپنی تمنّا تھی نصیرؔ
میرا سَر، اور درِ شاہِؐ مدینہ ہوتا
Yahi khwahish thi, yahi apni tamanna thi Naseer
Mera sar, aur dar-e Shah-e Madina hota
Share This Naat
Share with friends and family
زندگی جب تھی، یہ جینے کا قرینہ ہوتا
سید نصیرالدیں نصیر