قلم سے لوح سے بھی قبل ، دن سے رات سے پہلے
نبیؐ کا نور تھا موجود، موجودات سے پہلے
Qalam se loh se bhi qabl, din se raat se pehle
Nabiؐ ka noor tha maujood, maujoodat se pehle
میں اپنی سمت بھی اب اُس طرف سے ہو کر آتا ہوں
محمدؐ کی گلی پڑتی ہے کوئے ذات سے پہلے
Main apni simt bhi ab us taraf se ho kar aata hoon
Muhammadؐ ki gali pardti hai kooe zaat se pehle
کھُلا کرتی ہیں نامعلوم سے معلوم کی راہیں
خدا کی نفی کرتی ہے زباں اثبات سے پہلے
Khula karti hain namaloom se maloom ki rahein
Khuda ki nafi karti hai zabaan isbat se pehle
اُنہی کا ہر عمل ہر بات بہبودِ بشر ٹھہری
نہ تھا منشور ایسا خطبہء عرفات سے پہلے
Unhi ka har amal har baat bahbood-e-bashar thehri
Na tha manshoor aisa khitba-e-arafat se pehle
تلاوت دیدہء آدم نے کی اسم محمدؐ کی
ستونِ عرش پر کندہ تھا التّحیات سے پہلے
Talawat deeda-e-adam ne ki ism Muhammadؐ ki
Satoon-e-arsh par kunda tha al-tahiyyaat se pehle
وہی تھے صرف جو تلوار لےکر غار سے نکلے
نبیؐ کوئی نہ صف آراء ہوا، غزوات سے پہلے
Wohi the sirf jo talwaar lekar gaar se nikle
Nabiؐ koi na saf aara hua, ghazwat se pehle
مظفر بیٹیوں کو باپ زندہ گاڑ دیتے تھے
بہت جاہل تھی دنیا انکی تعلیمات سے پہلے
Muzaffar betiyon ko baap zinda gar daite the
Bohat jahil thi duniya unki taleemat se pehle
Share This Naat
Share with friends and family
قلم سے لوح سے بھی قبل
مظفر وارثی