تصورات میں روشن دیار دیکھتا ہوں
تو اپنے گِرد کرم کا حصار دیکھتا ہوں
Tasawwurat mein roshan diyar dekhta hoon
Tu apne gird karam ka hisar dekhta hoon
مشامِ جاں میں اترتا ہے جب خیالِ حضور
رگِ حیات میں رقصاں قرار دیکھتا ہوں
Mashaam-e-jaan mein utarta hai jab khayal-e-Huzoor
Rag-e-hayat mein raqsaan qarar dekhta hoon
دیارِ نور کی گلیوں کی سیر کرتے ہوئے
ہوا کے دوش پہ خود کو سوار دیکھتا ہوں
Diyar-e-noor ki galiyon ki sair karte hue
Hawa ke dosh pe khud ko sawar dekhta hoon
غموں کے کوہِ گراں کو سمجھتا ہوں رائی
مدینے والے کو جب غم گسار دیکھتا ہوں
Ghamon ke koh-e-garaan ko samajhta hoon raai
Madine wale ko jab gham-gusar dekhta hoon
یہ چاند گنبدِ اخضر کو دیکھتا ہوگا
میں اس لئے اسے دیوانہ وار دیکھتا ہوں
Yeh chaand gumbad-e-akhzar ko dekhta hoga
Mein is liye ise deewana waar dekhta hoon
نظر اٹھانا ادب کے خلاف لگتا ہے
نظر جھکا کے درِ مشک سار دیکھتا ہوں
Nazar uthana adab ke khilaf lagta hai
Nazar jhuka ke dar-e-mashk-sar dekhta hoon
مرا یہ خواب ہے فرقت کی دھوپ میں چھاؤں
میں کوئے رشکِ جناں بار بار دیکھتا ہوں
Mera yeh khwab hai furqat ki dhoop mein chaaoon
Mein koe rashk-e-jinan baar baar dekhta hoon
Share This Naat
Share with friends and family
تصورات میں روشن دیار دیکھتا ہوں
اشفاق احمد غوری