Manqabat
سر چشمہء انعام و عطا حضرتِ عثمان
سر چشمہء انعام و عطا حضرتِ عثمان
دریائے کرم ، بابِ سخا حضرتِ عثمان
Sar e chashma e inaam o ata Hazrat e Usman
Darya e karam, baab e sakha Hazrat e Usman
اسلام کی تاریخ کا وہ پہلا مہاجر
وہ راہروِ شہرِ صفا حضرتِ عثمان
Islam ki tareekh ka wo pehla muhajir
Wo raahru e shehar e safa Hazrat e Usman
اسلامیوں میں مصحفِ واحد کیا جاری
وہ سمت نما نجمِ ہدیٰ حضرتِ عثمان
Islamiyon mein mushaf e waahid kya jari
Wo simt numa najam e huda Hazrat e Usman
مال اس کا رہا وقف پئے ملتِ بیضا
وہ خوگرِ تسلیم و رضا حضرتِ عثمان
Maal us ka raha waqaf paye millat e bayza
Wo khugar e tasleem o raza Hazrat e Usman
شرماتے تھے قدسی بھی جس انساں کی حیا سے
وہ پیکرِ تقدیس و حیا حضرتِ عثمان
Sharmate the qudsi bhi jis insaan ki haya se
Wo paikar e taqdees o haya Hazrat e Usman
جاں دی پہ نہ خوں ریزی امّت ہوئی منظور
وہ کشتہء بیداد و جفا حضرتِ عثمان
Jaan di pe na khoon rezi ummat hui manzoor
Wo kushta e bedaad o jafa Hazrat e Usman
وہ جس کا لقب صاحبِ نورین ہے تائبؔ
وہ نازشِ اربابِ وفا حضرت عثمان
Wo jis ka laqab saahib e noorain hai Taib
Wo naazish e arbaab e wafa Hazrat Usman
Share This Naat
Share with friends and family
سر چشمہء انعام و عطا حضرتِ عثمان
حفیظ تائب