ایمان ہے ہمارا کہ ختم الرُسُل ہیں آپ
سب کی نظر ہے آپ پہ مولائے کُل ہیں آپ
Eimaan hai hamara ke khatam ur rusal hain aap
Sab ki nazar hai aap pe mola-e-kul hain aap
کامل ہوا ہے قصرِ نبوت، کمی ہے خشت
اکمل ہے آپ سے کہ یہی آخری ہے خشت
Kamil hua hai qasr-e-nabuwat, kami hai khisht
Akmal hai aap se ke yehi aakhri hai khisht
افضل کیا گیا ہے رسولوں میں آپ کو
خاتم بنا دیا ہے رسولوں میں آپ کو
Afzal kiya gaya hai rasoolon mein aap ko
Khatam bana diya hai rasoolon mein aap ko
عاقب بنا کے آپ کو بھیجا ہے اس لئے
خاتم شہا ! کہ آپ کا رتبہ ہے اس لئے
Aaqib bana ke aap ko bheja hai is liye
Khatam shaha! ke aap ka rutba hai is liye
آئیں گے میرے بعد نبوت کے مدّعی
کذاب ہیں لعین ہیں گمراہ ہیں سبھی
Aayenge mere baad nabuwat ke mad'dai
Kazaab hain laeen hain gumrah hain sabhi
دجال تیس آئیں گے لے کر ریا کے جال
بولیں گے سب ہی جھوٹ چلیں گے وہ سب ہی چال
Dajjal tees aayenge le kar riya ke jaal
Boleinge sab hi jhoot chaleinge wo sab hi chaal
ہر اک نبی کی مہر کا ہاتھوں پہ تھا نشان
خاتم ! مگر تھا آپ کے شانوں کے درمیان
Har ek nabi ki mehr ka haathon pe tha nishan
Khatam! magar tha aap ke shanon ke darmiyan
ہارون کا تھا رشتہ جو موسٰی نبی کے ساتھ
ویسا ہے مصطفٰے کا بھی مولا علی کے ساتھ
Haroon ka tha rishta jo Musa nabi ke saath
Waisa hai Mustafa ka bhi mola Ali ke saath
آتے رہے نبی و رُسُل ہر نبی کے بعد
پر آئے گا نہ کوئی بھی میرے نبی کے بعد
Aate rahe nabi o rusal har nabi ke baad
Par aayega na koi bhi mere nabi ke baad
جیسے حضور کی یہ نبوت ہے آخری
ویسے ہی یہ حضور کی امّت ہے آخری
Jaise huzoor ki ye nabuwat hai aakhri
Waise hi ye huzoor ki ummat hai aakhri
Share This Naat
Share with friends and family
آتے رہے نبی و رُسُل ہر نبی کے بعد
حافظ عبدالجلیل