Manqabat
یا غوثَ الاعظمؒ جیلانی فیض تِرا لاثانی
یا غوثَ الاعظمؒ جیلانی فیض تِرا لاثانی
لَو دیون گے محشر توڑی تیرے نقش نُورانی
Ya Ghausَ al-Azamؒ Jilani Faiz tِra Lasani
Low diwan ge mashar toRdi tyre naqsh Noorani
تُوں پنج تن دے گھر دا چانن ، تُوں شیخِ حقّانی
حضرتِ مِیراں عبدؒالقادر محبوبِ سُبحانی
Tuoun panj tan de ghar da chanan, tuoun Sheikh-e Haqani
Hazrat-e Meera'n Abdu'l Qadirؒ Mehboob-e Subhani
حسبوں نسبوں سُچّا سیّد ، پھُل باغِ زھرا دا
صورت سیرت حَسن حُسینی ، بیٹا شیرِ خدا د ا
Hasbon nasbon sucha Sayyad, phul bagh-e Zahra da
Soorat sirat Hasan Husaini, baita sher-e Khuda da
تُوں غوثاں قُطباں دا والی ، ولیاں دا سرمایہ
نیکاں پاکاں دی وڈیائی ، نبیاں دا ہم سایہ
Tuoun Ghausan Qutban da wali, Wali'an da sarmaya
Neekan Pakan di vaddiyai, Nabiyan da hum saya
تیرے دروازے تے آکے سب نے سِیس نِوایا
ناں تیرا ہر پیر نے جَپیا ، تینوں رب وڈیایا
Tyre darwazay te aake sab ne sees niwaya
Naan tyra har Peer ne japiya, teinoun Rabb vadaya
درس دِتا توحید دا جگ نُوں ، کفر تے شرک مٹایا
قرآنی تعلیم تے چل کے ، سُنّت نُوں اپنایا
Dars dِta Tawheed da jag nou, kufr te shirk mitaya
Qurani taleem te chal ke, Sunnat nou apnaya
حضرت میراں! تیرے دَر تے میں ایہہ لِکھیا پایا
اُس کھویا ، جو دُور کھلویا ، اُس پایا ، جو آیا
Hazrat Meera'n! tyre dar te mein eh likhiya paya
Us khoya, jo door khaloya, us paya, jo aaya
ہر کارے را مَردے باشد، ہر مَردے را کارے
مُنکر پانی پانی ہوون ، عاشق لین نظارے
Har karay ra marde bashad, har marde ra karay
Munkir paani paani hovan, aashiq lain nazaray
کرن بخیلی اہلِ ظاہر ، آکھے ربّ تعالیٰ
مَیں جس نُوں جو چاہواں دیواں ، مُنکر دا مُنہ کالا
Karan bakheeli Ahl-e zahir, Aakhay Rab-Tala
Main jis nou jo chahwa'n diwa'n, munkir da munh kaala
حشر دہاڑے کم آوے گا ایہہ مضبُوط حوالا
حُبِّ نبی ؐ تے مہرِ علی دی تُوں بخشی جو مالا
Hashar daharay kam aavay ga eh mazboot hawala
Hub-e Nabi ؐ te mehr-e Ali di tou'n bakshi jo mala
تیری مہر عنایت ورنہ مَیں کوجھا کس کم دا
پاویں خیر غریب نوازا! کھولیں باب کرم دا
Tyri mehr inayat warna main kujha kis kam da
Pawein khair ghareeb Nawaza! kholan bab karam da
تُوں آقا! تُوں صاحب سائیں ! مَیں باندی آں در دِی
تُوں تاجاں تے تختاں والا، مَیں گولی مَیں بردی
Tuoun Aaqa! Tuoun Sahib Sai'n! Main bhandi aa'n dar di
Tuoun tajaan te takhtan wala, main goli main bardi
سَو سَو وار مَیں تھیواں صدقے ، لکھ لکھ واری ، واری
اِس محبوبی شان تِری تُوں خَلقت ہے بلہاری
Sau sau waari main thiwaan sadqay, lakh lakh waari, waari
Is mahboobi shaan tyri tou'n khalqat hai bilhaari
یکسر محو دلاں تھیں ہوئی حسرت باغ اِرَم دی
لے آئی در تیرے شاہا کھچ کے آس کرم دی
Yaksar mahv dilaan thi ho'i hasrat bagh-e Iram di
Le aayi dar tyre Shaha khich ke aas karam di
سانوں وچ فقیری جچدے کپڑے ساوے سُوہے
جیلانی رنگ اَزلوں مِلیا، کیوں جایئے ہر بُوہے
Sanuon vich faqiri jachde kaprhe sǎve soohe
Jilani rang azlon milia, kioun jaaye har boohay
خالی دَر تُوں موڑ نہ سخیا دے خیرات حُسَن دی
بے شک تیرے ہتھ پھڑائی ، رب نے ڈور زمن دی
Khali dar tou'n mor na sakhiya de khairaat Hasan di
Beshaq tyre huth pharai, Rabb ne dor Zaman di
نانا تیرا پاک محمدؐ مالک بحر تے بَر دا
دادا تیرا حیدر فاتح بدر اَتے خیبر دا
Nana tyra paak Mohammadؐ malik bahr te bar da
Dada tyra Haider faateh badr a'tay Khaibar da
خُلق پیمبرؐ دا تُساں اپنی رگ رگ وچ رچایا
بُریاں نال کریمی کیتی ، مندیاں نُوں گَل لایا
Khulq Payambarؐ da tusan apni rag rag vich rachaya
Buriyan nal karimi keeti, mandiyaan nou gal laya
حضرت میراں! تیرے دَر دا ہے دستور نرالا
ہر کوئی پاوے فیض برابر کیہہ ادنیٰ ، کیہہ اعلیٰ
Hazrat Meera'n! tyre dar da hai dastoor nirala
Har koi pavay faiz barabar kihe adna, kihe a'la
تیرا بحر عنایت جس دَم موج اپنی تے آوے
ہر قطرے نوں بحر بناوے ہر ذرّہ رشناوے
Tyra bahr inayat jis dam mauj apni te aave
Har qatrey nou bahr banave har zarra rashnave
ساڈی اے سِرورتی کوئی مَنّے یا نہ مَنّے
غم دے شوہ وچوں توں لاویں پَل وچ بیڑا بنّے
Saadi ay sarwarti koi manne ya na manne
Gham de shoh vichoun tou'n lawa'n pal vich beRra banay
بخشیں دین ایمان ، تحفُّظ ، عزّت تے خوشحالی
سَخیا تیرے دَر تے آکے مانگت مُڑے نہ خالی
Bakhshin deen imaan, tahaffuz, izzat te khushhali
Sakhiya tyre dar te aake mangat muRray na khaali
اسیں وچارے کرماں مارے ، تُوں کرماں دا والی
اسیں کنگال غریب نمانے ، تیریاں شاناں عالی
Asin vicharay karma'n mare, tou'n karma'n da wali
Asin kangaal ghareeb nma'nay, tyrian shaana'n aali
اسیں ایانے ، کوجھے ، کملے ، تُوں سُلطان حُسَن دا
لج پالا لج پالیں ساڈی ، تُوں لج پال زَمَن دا
Asin ayanay, kojhay, kamly, tou'n Sultan Hasan da
Laj paala laj paale'n saadi, tou'n laj paal Zaman da
تُوں لج پال پریتاں والا اسیں غریب نمانے
جے نہ جانیں تُوں لج پالا سانوں کون سیانے
Tou'n laj paal pareeta'n wala asin ghareeb nma'nay
Jay na jaane'n tou'n laj paala sanoon kaun siaanay
تُوں کَنعانِ فَقر دا یُوسف اسیں قدیمی بردے
سخیاں دے گھر تھوڑ نہ کائی نظر کر دی کردے
Tou'n Kan'an-e Faqr da Yusuf asin qadeemi barday
Sakhiya'n de ghar thorh na kaayi nazar kar di karday
خیر جنابوں پاویں سخیا پُر کر دیویں کاسہ
ایس نصیؔر ترے لئی شاہا! ہور نہ کوئی پاسہ
Khair janabou'n paaveyn sakhiya pur kar diven kasa
Ais Naseer tray la'i Shahaa! hor na koi passa
Share This Naat
Share with friends and family
یا غوثَ الاعظمؒ جیلانی فیض تِرا لاثانی
سید نصیرالدیں نصیر