اَب کے ہے دل میں ، تِرا وصف کچھ ایسا لِکّھوں
فِقہی الفاظ میں اِک تیرا قصیدہ لکھوں
Ab ke hai dil mein, tira wasf kuch aisa likhun
Fiqhi alfaz mein ik tera qasida likhun
فن کے بَل پر نہیں ممکن کہ ذرا سا لکھوں
تو اگر چاہے تو پھر پیارے ! میں کیا کیا لکھوں
Fun ke bal par nahi mumkin ke zara sa likhun
Tu agar chahe to phir pyare! mein kya kya likhun
خَلق میں خُلق میں ،کُل خَلق سے اَعلٰی لِکھوں
تجھ کو اَشباہ و نظائر سے منزّہ لکھوں
Khalaq mein khulaq mein, kul khalq se a'ala likhun
Tujh ko ashbah o nazair se munazzah likhun
تجھ کو اے سارے رسولوں کے امامِ اعظم
مرکزِ تربیتِ صاحبِ اِفتا لِکّھوں
Tujh ko ae sare rusulon ke imam-e-a'zam
Markaz-e-tarbiyat-e-saahib-e-ifta likhun
مالکِ ملکِ خدا ! شافعِ روزِ محشر
تجھ کو احمد تیری مِلّت کو حَنیفہ لِکّھوں
Maalik-e-mulk-e-Khuda! Shafee' roz-e-mahshar
Tujh ko Ahmad teri millat ko Hanifah likhun
اے ابو یوسفِ کنعاں ! ہے شریعت مانِع
ورنہ میں بعدِ نِدا نام تمہارا لِکّھوں
Ae Abu Yusuf-e-Kan'an! Hai shariat mani'
Warna mein ba'ad-e-nida naam tumhara likhun
تجھ کو ہر وصف کی رُو سے بھی مُحمّد مانوں
مَظہرِ ذاتِ اَحَد ، آقا و مولیٰ لِکّھوں
Tujh ko har wasf ki roo se bhi Muhammad maanoon
Mazhar-e-zaat-e-Ahad, aaqa o Maula likhun
دُرِّ مختار تجھے سلکِ شریعت کا کہوں
جَوہرہ نَیِّرہ مَنظوم ھُدٰی کا لِکّھوں
Durr-e-mukhtar tujhe salik-e-shariat ka kahoon
Jawhara nayyira manzoom Hudaa ka likhun
کیا تِرے وصفوں کے جامع ہوں صغیر اور کبیر
تجھ کو میں مَرویِ ظاہرِ سے بھی اونچا لکھوں
Kya tire wasfon ke jaami' hoon saghir aur kabir
Tujh ko mein marwi-e-zahir se bhi ooncha likhun
نُطق کو تیرا دہن وا ہے ، سرِ فتحِ قدیر
تیرے لفظوں کو فقاہت کی ہدایہ لِکّھوں
Nutq ko tera dahan wa hai, sar-e-fath-e-qadeer
Tere lafzon ko fiqahat ki hadaya likhun
جو بدائع ہیں ,صنائع ہیں ، تِرے حرف کے نام
نُطق کو تیرے بلاغت کا حدیقہ لِکّھوں
Jo badaae' hain, sanaae' hain, tire harf ke naam
Nutq ko tere balaaghat ka hadeeqa likhun
بحر رائق ! ،تو ، تکلُّم تِرا نہرِ فائق
تجھ کو تبیینِ حقائق کا ذریعہ لِکّھوں
Behr-e-raaiq!, Tu, takallum tira nehr-e-faiq
Tujh ko tabyin-e-haqaiq ka zariya likhun
بہرِ ایجابِ دعا ہیں جو وسائل درکار
سب سے اَنفَع میں ترے نام کا لینا لکھوں
Behr-e-ijaab-e-dua hain jo wasail darkar
Sab se anfa' mein tere naam ka lena likhun
شانِ مبسوط میں ہر لمحہ زیادات کی دھوم
آیۂ " خَیرْ مِنَ الْاُوْلی " کا معنٰی لکھوں
Shan-e-mabsoot mein har lamha ziyaadaat ki dhoom
Aayah-e-"khair min al-oola" ka ma'na likhun
مُلتَقٰی اَبحُرِ عرفانِ الٰہی کا کہوں
اَنھُرِ فیض کا مَجمَع تجھے شاہا ! لکھوں
Multaqa abhar-e-urfan-e-ilahi ka kahoon
Anhur-e-faiz ka majma' tujhe Shaha! likhun
نورِ ایضاحِ معارف ترا حرفِ افصح
چرخِ توضیح بَتلویح کا تارا لکھوں
Noor-e-eizaah-e-ma'arif tera harf-e-afsah
Charkh-e-tauzeeh blat'wise ka taara likhun
تیری اِمداد کو اِمداد زِ فَتّاح کہوں
ہاتھ کو تیرے مُعَنوَن بَہ یَدُ اللّٰہ لِکّھوں
Teri imdaad ko imdaad zi Fattah kahoon
Haath ko tere mu'annon be yedullah likhun
غُنیَہ از پئے مُتَمَلِّی تِری صورت کو کہوں
مُنیۂِ قلبِ مُصَلِّی تِرا حُلیہ لکّھوں
Ghuniyah az paye mutamalli teri surat ko kahoon
Muniyah-e-qalb-e-musalli tera hulia likhun
مَصدرِ ناقل و منقول و روایت مانوں
تجھ کو میں حاصلِ معقول و دِرایہ لِکّھوں
Masdar-e-naaqil o manqool o riwaayat maanoon
Tujh ko mein haasil-e-ma'qul o dirayah likhun
اَصلِ عالَم ہے تَجَمُّل تِرا عالَمگیری
علم قاضی ہے کہ یوسف تِرا بندہ لکھوں
Asl-e-alam hai tajammul tira alamgeeri
Ilm-e-qazi hai ke Yusuf tera banda likhun
خلق کی تجھ سے بِدایت ، ہے نہایت تجھ پر
تیری مرضی کو میں نیکوں کی سِعایہ لکّھوں
Khalq ki tujh se bidaayat, hai nihaayat tujh par
Teri marzi ko mein nekon ki si'aayah likhun
ردِّ محتار ترا علم ، تو جدِّ ممتار
کنزِ تدقیق پہ تیرا ہی میں قبضہ لِکّھوں
Radd-e-muhtaar tira ilm, tu jadd-e-mimtaar
Kanz-e-tadqeeq pe tera hi mein qabza likhun
فقہِ اسلام و اَدِلَّہ کا تو ماخذ ٹھہرا
تجھ کو میں ناسخِ اَدیانِ گزشتہ لکھوں
Fiqh-e-Islam o adillah ka tu maakhaz thehra
Tujh ko mein naasikh-e-adyaan-e-guzashta likhun
رب کی بُرھان ! ہر اک شَے کو تِرا علم مُحیط
تجھ کو اَسحار کی نَسمات کا دانا لکھوں
Rab ki burhan! Har ek shay ko tira ilm muhiit
Tujh ko ashaar ki nasamaat ka daana likhun
اَمجدِ اہلِ تَمَجُّد ! تُو شریعت کی بہار
رَضَوی فتووں کو میں تیری عَطایا لکھوں
Amjad-e-ahl-e-tamajjad! Tu shariat ki bahaar
Razavi fatwon ko mein teri 'ataaya likhun
رسمِ مفتی کے عقود آپ کے ناخن سے کُھلے
ہاتھ تاسیسِ قواعد کا وسیلہ لکھوں
Rasm-e-mufti ke 'uqud aap ke naakhun se khule
Haath ta'sis-e-qawaid ka wasila likhun
وردِ نامِ شہِ والا کو کہوں زادِ مَعاد
حرفِ مدحت کو میں عُقبٰی کا ذخیرہ لکھوں
Ward-e-naam-e-shah-e-waala ko kahoon zaad-e-ma'ad
Harf-e-mad'hat ko mein 'uqba ka zakheera likhun
خوفِ تَطویل ہے ،تشویشِ اَحِبّا کا خیال
ورنہ سب فِقہی کتابوں کا مُسمّٰی لِکّھوں
Khauf-e-tawil hai, tashwish-e-ahibba ka khayaal
Warna sab fiqhi kitaabon ka musamma likhun
اے معظمؔ ! ہے بِلا رَیب یہ سب فیضِ رسول
ورنہ ممکن ہے یہ کیسے کہ میں ایسا لِکّھوں ؟
Ae Moazzam! Hai bila raib ye sab faiz-e-Rasul
Warna mumkin hai ye kaise ke mein aisa likhun?
Share This Naat
Share with friends and family
اَب کے ہے دل میں تِرا وصف کچھ ایسا لِکّھوں
معظم سدا معظم مدنی