جلوہ گر آج ہوئے مونس و غم خوار و شفیق
شادمان ہوگئے دریائے مصائب کے غریق
Jalwa gar aaj huwe monis o ghum khuwar o shafeeq
Shaadman hogaye daryaae masaeb ke ghareeq
آؤ اے بادہ کشو ہاشمی چوکھٹ پہ چلو
بٹ رہی ہے جہاں فیضانِ رسالت کی رحیق
Aao aye baadakasho Hashmi chaukhat pe chalo
Bat rahi hai jahan faizaan-e-risalat ki raheeq
زخم کھا کر بھی ہے جس کے لب اطہر پہ دعا
ذاتِ پاکِ شہِ والا ہے وہ کس درجہ خلیق
Zakhm kha kar bhi hai jis ke lab e athar pe dua
Zaat e paak e sheh e wala hai woh kis darja khaleeq
اے حلیمہ! ہو مبارک تجھے معراجِ خوشی
تیری آغوش میں ہے جلوہ نما ذاتِ شفیق
Ae Haleema! ho mubarak tujhe meraaj e khushi
Teri aaghosh mein hai jalwa numa zaat e shafeeq
دے دیا درسِ پیمبر نے انھیں اوجِ حیات
چل رہے تھے جو گنہگار سوئے غارِ عمیق
De diya dars e paimbar ne inhein ooj e hayat
Chal rahe the jo gunahgar sooye ghara e ameeq
باغِ طیبہ کا وہ منظر ہے کہ جس کے آگے
ہیچ ہیں باغِ عدن، وادیِ ایمن کے حدیق
Bagh e Tayba ka woh manzar hai ke jis ke agay
Hech hain bagh e Adan, waadi e Ayman ke hadeeq
اللہ اللہ یہ اعجازِ رسولِ عربی
کردیا سنگِ سرِ راہ کو صد رشکِ عقیق
Allah Allah yeh aijaaz e Rasool e Arabi
Kardiya sang e sar e raah ko sad rashk e aqeeq
کتنے خوش بخت ہیں وہ خاصۂ خاصانِ نبیؐ
خلد میں جائیں گے بن کر جو پیمبر کے رفیق
Kitne khush bakht hain woh khaasa e khaasan e Nabi (SAW)
Khuld mein jaayenge ban kar jo paimbar ke rafeeq
یارِ غارِ شہِ والا کا شرف حاصل ہے
امتِ سرورِ کونین میں افضل ہیں عتیق
Yaar e ghar e sheh e wala ka sharaf hasil hai
Ummat e Sarwar e Kainat mein afzal hain Ateeq
یوں ہی رسوائے زمانہ نہیں ہم لوگ احسؔن
ہم سے چھوٹا ہے پیمبر کا عطا کردہ طریق
Yoon hi ruswaaye zamaana nahin hum log Ahsan
Hum se chhota hai paimbar ka ata kardah tareeq
Share This Naat
Share with friends and family
جلوہ گر آج ہوئے مونس و غم خوار و شفیق
احسن اعظمی