دیارِ نور کا ہر بام و در مطاف کیا
قدم قدم پہ مرے عشق نے طواف کیا
Diyaar-e-Noor ka har baam o dar mataaf kiya
Qadam qadam pe mere ishq ne tawaaf kiya
جبینِ خامہ نے سجدے نثار کرتے ہوئے
حروفِ نعت کو قرطاس کا غلاف کیا
Jabeen-e-khaama ne sajde nisaar karte hue
Huroof-e-Naat ko qartaas ka ghilaaf kiya
ورودِ یادِ شہِ دو جہان سے پہلے
مشامِ جان میں خوشبو نے اعتکاف کیا
Wurood-e-yaad-e-sheh-e-do jahan se pehle
Mashaam-e-jaan mein khushboo ne aitikaaf kiya
پھرایا شمس کو واپس برائے مولا علی
قمر کو ایک اشارے سے شین قاف کیا
Phiraya shams ko wapas baraaye Maula Ali
Qamar ko ek ishaare se sheen qaaf kiya
کرم ہے ان کا ورائے حدودِ وہم و گماں
مرے کریم نے ہِندہ کو بھی معاف کیا
Karam hai un ka waraaye hudood-e-waham o gumaan
Mere Kareem ne Hindah ko bhi maaf kiya
بسایا آنکھ میں کوئے رسول کا منظر
نظر نے باقی مناظر سے انحراف کیا
Basaya aankh mein kooye Rasool ka manzar
Nazar ne baaqi manazir se inhiraf kiya
شفیعِ حشر کی چوکھٹ پہ قلبِ نادم نے
نظر جھکائی گناہوں کا اعتراف کیا
Shafi-e-Hashr ki chaukhat pe qalb-e-naadam ne
Nazar jhukai gunaahon ka aitiraaf kiya
پکارا زرد رتوں میں حضور! اُنظُرنا
صبا نے کشتِ مقدر پہ انعطاف کیا
Pukaara zard ruton mein Huzoor! unzur-na
Saba ne kashte-muqaddar pe initaaf kiya
غزل کی کرتے تھے فرمائشیں عزیز مگر
مرے شعور نے اشفاق اختلاف کیا
Ghazaal ki karte the farmaishein aziz magar
Mere sha'oor ne Ashfaque ikhtilaaf kiya
Share This Naat
Share with friends and family
دیارِ نور کا ہر بام و در مطاف کیا
اشفاق احمد غوری