جمال سب سے الگ ہے ، جلال سب سے الگ
حضور آپ کا ہر ہر کمال سب سے الگ
Jamal sab se alag hai, jalal sab se alag
Huzoor aap ka har har kamal sab se alag
ہے ربط صاحبِ " وَالعَصر " سے تو پھر اپنا
نہ کیوں ہو ماضی و حال و مَآل سب سے الگ
Hai rabt sahib-e "wa-al-asr" se to phir apna
Na kyon ho mazi o haal o ma'al sab se alag
جو دے کے خلد بھی اِحساں نہ اپنا جتلائے
سخی ہے شاہِ دو عالَم کی آل سب سے الگ
Jo de ke khald bhi ehsaan na apna jatlaye
Sakhi hai Shah-e do alam ki aal sab se alag
بَہ فیضِ لَمسِ یَدِ شاہ ، آگ سے نہ جلا
ہوا جہاں میں اَنَس کا رُمال سب سے الگ
Ba faiz-e lams-e yad-e Shah, aag se na jala
Hua jahan mein Anas ka rumal sab se alag
گیا فرشتوں کے جُھرمٹ میں مسکراتا ہوا
تِرے گدا کا ہوا اِنتقال سب سے الگ
Gaya farishton ke jhurmat mein muskurata hua
Tere gada ka hua intiqal sab se alag
مِلی رفاقتِ احمد تو مل گیا سب کچھ
کیا ہے تو نے ربیعہ ! سوال سب سے الگ
Mili rafaqat-e Ahmed to mil gaya sab kuch
Kiya hai tu ne Rabi'a! sawal sab se alag
بنائیں راہ کے ذروں کو غیرتِ خورشید
ہیں شاہِ عرش کے نوری نِعال سب سے الگ
Banayen raah ke zarro ko ghairat-e khursheed
Hain Shah-e Arsh ke noori ni'al sab se alag
یہ نغمہ خلد کی حوریں الاپتی ہوں گی
ہے اہلِ حسن میں اُن کا بلال سب سے الگ
Yeh naghma khald ki hoorain alapti hongi
Hai ahl-e husn mein un ka Bilal sab se alag
خدائے پاک ! ہو ایسا کرم معظمؔ پر
لکھے یہ نعتِ شہِ خوش خِصال سب سے الگ
Khuda-e paak! ho aisa karam Moazzam par
Likhe yeh naat-e Shah-e khush khisal sab se alag
Share This Naat
Share with friends and family
جمال سب سے الگ ہے جلال سب سے الگ
معظم سدا معظم مدنی