رکھتے نہیں ہیں جو درِ خیر البشرؐ پہ ہاتھ
روئیں گے روزِ حشر وہی رکھ کے سَر پہ ہاتھ
Rakhte nahi hain jo dar-e-khair-ul basharؐ pe haath
Royenge roz-e-hashr wahi rakh ke sar pe haath
اِس مصلحت سے نُورِ ازل کو بشر کہا
اللہ کا ہے عظمتِ نوعِ بشر پہ ہاتھ
Iss maslihat se noor-e-azal ko bashar kaha
Allah ka hai azmat-e-noa-e bashar pe haath
جز اُن کے گَردِ راہ بنی کس کی کہکشاں
پہنچے ہیں کس کے دامنِ شمس و قمر پہ ہاتھ
Juz un ke gard-e-rah bani kis ki kahkashan
Pohanche hain kis ke daaman-e-shams o qamar pe haath
سِدرہ پہ رُک گئے شبِ معراج جبرئیلؑ
پرواز اُن کی رکھ نہ سکی بال و پَر پہ ہاتھ
Sidra pe ruk gaye shab-e-meraj Jibrilؑ
Parwaaz un ki rakh na saki baal o par pe haath
دیکھا جو اُن کے جلوۂ رُوئے صبیح کو
بادِ صبا بڑھاتی ہے شمعِ سحر پہ ہاتھ
Dekha jo un ke jalwa-e-ru-e-sabeeh ko
Baad-e-saba barhati hai shama-e-sehar pe haath
ہوتی نہ دلفریب یہ صورت جہان کی
ہوتے حُضورؐ کے نہ اگر بحر و بر پہ ہاتھ
Hoti na dil-fareb ye surat jahan ki
Hote huzurؐ ke na agar bahr o bar pe haath
بے ساختہ لبوں پہ جو نام اُن کا آگیا
رکّھا حُضورؐ نے وہیں قلب و جگر پہ ہاتھ
Be-sakhta labon pe jo naam un ka aagaya
Rakkha huzurؐ ne wahin qalb o jigar pe haath
منزل نے کارواں کو صدا دی کہ حوصلہ
تھک کر مسافروں نے جو رکّھے کمر پہ ہاتھ
Manzil ne karwan ko sada di ke hausla
Thak kar musafiron ne jo rakhe kamar pe haath
مَیں کیا نصیرؔ اور مِرے شعر کیا، مگر
اللہ کی عطا سے ہے دوشِ ہُنر پہ ہاتھ
Main kya Naseerؔ aur mire sher kya, magar
Allah ki ata se hai dosh-e-hunar pe haath
Share This Naat
Share with friends and family
رکھتے نہیں ہیں جو درِ خیر البشرؐ پہ ہاتھ
سید نصیرالدیں نصیر