رب دیا پیار یا کد ساہ لیسی روح میری دا پارہ
کہ ویکھن گیاں سکدیاں اکھیاں روضہ پاک دوبارہ
Rab diya pyar ya kad saah lesi rooh meri da paara
ke vekhan giyaan sakdiyan akhiyaan rozah paak dobaara
تیرا نوری چہرہ تکنا کدوں مقّدر ہوسی
غم دے شور وچّوں کد ہوسی میرا پار اُتارا
Tera noori chehra takna kadon muqaddar hosi
Gham de shor vichon kad hosi mera paar uttaara
میرے ماپے، میری آل اولاد ترے توں صدقے
ماندی جند ڑی دے روگاں دا کد ہووے گا چارہ
Mere maape, meri aal aulad tere ton sadqe
Mandi jindri de roggaan da kad howe ga chaara
تیرے اک دم بدلے ربّ نے جگ دے راس رچائی
تیرے نغمے دم دم چھو ہوے ساہواں دا اکتارا
Tere ak dam badle Rabb ne jag de raas rachaai
Tere naghme dam dam chhoo hoye saahwaan da aktaara
انگلی لا کے مینوں تیری رحمت ٹوری جاوے
ایتھے اوتھے ہو نہیں سکدا تیرے بِناں گزارا
Ungli la ke mainu teri rehmat tori jaave
Eithe othe ho nahi sakda tere binaan guzara
فجریں تیرا نام لواں تے صدقے جاون مہکاں
راتیں گل کراں جد تری تارے بھرن ہنگارا
Fajrey tera naam lawan te sadqe jaavan mehkkaan
Ratein gal karaan jad teri taare bharan hangara
حشر دیہاڑے وی تائبؔ نوں خاص نظر وچ رکھیں
تو ں وڈ یایا جیویں دُنیا وچ ایہہ اوگن ہارا
Hashar dihaade wi Taib nu khaas nazar vich rakhen
Toon vadd aaya jiween duniya vich eh ogan haara
Share This Naat
Share with friends and family
رب دیا پیار یا کد ساہ لیسی روح میری دا پارہ
حفیظ تائب