جسے تمنا ہے باغِ جنت کے خوش نظاروں سے ہو کے آئے
اُسے بتادو وہ مصطفےٰﷺ کی حسین گلیوں سے ہو کے آئے
Jise tamanna hai bagh-e-jannat ke khush nazaron se ho ke aaye
Use bata do wo Mustafa ﷺ ki haseen galiyon se ho ke aaye
سفر ہمارا نہیں تھا آساں ہم ایسے رستوں سے ہو کے آئے
دیارِ نعتِ رسولِ اکرم میں ہم جو غزلوں سے ہو کے آئے
Safar humara nahi tha aasaan hum aise rasto se ho ke aaye
Diyaar-e-naat-e-Rasool-e-Akram me hum jo ghazlon se ho ke aaye
نہ لا سکے گا مِرے نبی کی طرح حسین و جمیل کوئی
ہزار کوشش کرے زمانہ، کئی زمانوں سے ہو کے آئے
Na la sake ga mire Nabi ki tarah haseen o jameel koi
Hazaar koshish kare zamana, kai zamanon se ho ke aaye
مشامِ جاں بھی یہی تمنا لیے ہوئے منتظر ہے کب سے
کبھی تو بادِ صبا اِدھر بھی نبی کی زلفوں سے ہو کے آئے
Mashaam-e-jaan bhi yahi tamanna liye hue muntazir hai kab se
Kabhi to baad-e-saba idhar bhi Nabi ki zulfoon se ho ke aaye
نبی کی یہ بارگاہِ عالی ہے زائرو! احترام والی
ہر آنے والا یہاں جب آئے تو ہلکے قدموں سے ہو کے آئے
Nabi ki ye baar-gah-e-aali hai zairo! ehtaraam wali
Har aane wala yahan jab aaye to halke qadmon se ho ke aaye
رسولِ اکرم کا نامِ اقدس زباں سے جب جب ادا ہوا ہے
تو یوں لگا جیسے ہم حلاوت کے آبشاروں سے ہو کے آئے
Rasool-e-Akram ka naam-e-aqdas zubaan se jab jab ada hua hai
To yun laga jaise hum halawat ke aabsharon se ho ke aaye
خدا ہے معطی نبی ہیں قاسم تو اس میں پھر کیا اگر مگر ہے
’’مِری تمنا ہے رزق میرا نبی کے ہاتھوں سے ہو کے آئے‘‘
Khuda hai mu'ti Nabi hain qasim to is me phir kya agar magar hai
''Miri tamanna hai rizq mera Nabi ke haathon se ho ke aaye''
خدا نے بھیجا تمہارے در پر، شہا شفاعت کی آرزو میں
ہم اپنی جانوں پہ ظلم کر کے اداس لمحوں سے ہو کے آئے
Khuda ne bheja tumhare dar par, shaha shafaat ki aarzu mein
Hum apni jaanon pe zulm kar ke udaas lamhon se ho ke aaye
شفیقؔ صبر و وفا کا دامن نہ اُن کے ہاتھوں سے چھوٹ پایا
بلال عشقِ نبی میں ظلم و ستم کے شعلوں سے ہو کے آئے
Shafiq sabr o wafa ka daaman na un ke haathon se chhoot paaya
Bilaal ishq-e-Nabi mein zulm o sitam ke sholon se ho ke aaye
Share This Naat
Share with friends and family
جسے تمنا ہے باغِ جنت کے خوش نظاروں سے ہو کے آئے
شفیق ؔ رائے پوری