مرکز میرے فکر کا وہ مکّی محبُوب
فطرت کی رعنائیاں جس سے ہیں منسوب
Markaz mere fikr ka wo makki mehboob
Fitrat ki ranaaiyan jis se hain mansub
جو فرمائے عقل ہے بنیاد ِ اسلام
جو سمجھائے عشق کو ہر خوب و نا خوب
Jo farmaaye aql hai buniyaad-e-Islam
Jo samjhaaye ishq ko har khoob-o-nakhoob
جس کا راس المال ہے مولا کا عرفان
وہ طالب اللہ کا اور اس کا ہےمطلوب
Jis ka raas-ul-maal hai maula ka irfaan
Wo talab Allah ka aur us ka hai matloob
ساتھی اس کا عِلم ہے ، شوق اس کا رہوار
سرتا پا تنزیل ہے جینے کا اسلوب
Saathi us ka ilm hai, shauq us ka rahwaar
Sar-ta-pa tanzeel hai jeene ka asloob
جو ہر سب اسلاف کے اس میں ہیں یکجا
عیسیؑ کا وہ زہد ہو یا صبرِ ایّوب
Jo har sab aslaaf ke us mein hain yakja
Eesa(a.s) ka wo zuhd ho ya sabr-e-ayyub
اُس کی سیرت نقش ہے جن جن ذہنوں پر
وہ تہذیب ِ عصر سے ہوں کیسے مرعوب
Us ki seerat naqsh hai jin jin zehno par
Wo tahzeeb-e-asr se hon kaise mar'ub
گر سنّت سرکارؐ کی اُمّت اپنالے
کر سکتی ہے آج بھی باطل کو مغلوب
Gar sunnat Sarkar(s.a.w) ki ummat apna le
Kar sakti hai aaj bhi baatil ko maghloob
تنویر اُس کے دین کی ہر سُو چھائے گی
یہ ارشادِ خاص ہے قرآں میں مکتوب
Tanveer us ke deen ki har soo chhaayegi
Yeh irshaad-e-khaas hai Quran mein maktoob
تائبؔ میرے واسطے سب کچھ اُسکی ذات
کھولا جس کی مدح نے ہر رازِ محجوب
Taib mere wastay sab kuch uski zaat
Khola jis ki madh ne har raaz-e-mahjoob
Share This Naat
Share with friends and family
مرکز میرے فکر کا وہ مکّی محبُوب
حفیظ تائب