فراقِ طیبہ میں دن بہ مشکل تمام کرتی ہیں میری آنکھیں
یہی نہ پوچھو کہ کس طرح صبح و شام کرتی ہیں میری آنکھیں
Firaq-e-Taybah mein din ba mushkil tamam karti hain meri aankhein
Yahi na poocho ke kis taraḥ subah o shaam karti hain meri aankhein
بڑے سلیقے کے ساتھ ہوتی ہے پیشِ آقا میری حضوری
درود پڑھتی ہیں میری سانسیں سلام کرتی ہیں میری آنکھیں
Bada saleeqay ke sath hoti hai pesh-e-Aqa meri hazoori
Durood padhti hain meri saansein salaam karti hain meri aankhein
یہ صرف آنسو نہیں ہیں میرے جو قطرہ قطرہ جھلک رہے ہیں
یہ ایک اندازِ گفتگو ہے کلام کرتی ہیں میری آنکھیں
Yeh sirf aansu nahi hain mere jo qatra qatra jhalk rahe hain
Yeh aik andaaz-e-guftugu hai kalaam karti hain meri aankhein
حرم کی حرمت کا پوچھنا کیا کہ وہ تو کعبہ ہے اہلِ دل کا
وہاں کے ایک ایک ذرّے کا احترام کرتی ہیں میری آنکھیں
Haram ki hurmat ka poochna kya ke woh to Ka'bah hai ahl-e-dil ka
Wahan ke aik aik zarre ka ehteraam karti hain meri aankhein
دیارِ اقدس کے ہر مکیں کو گلے لگاتی ہیں مخلصانہ
تو ہر گدا کو مودبانہ سلام کرتی ہیں میری آنکھیں
Diyaar-e-Aqdas ke har makiin ko galay lagaati hain mukhlisana
To har gada ko modbana salaam karti hain meri aankhein
نہ خواب گاہوں میں اہلِ زر کی نہ رہ گزاروں میں تاجور کی
گدا ہیں جن کی انہیں کے در پہ قیام کرتی ہیں میری آنکھیں
Na khwab gaahon mein ahl-e-zar ki na reh guzaron mein tajwar ki
Gada hain jin ke unhi ke dar pe qiyaam karti hain meri aankhein
بصد عقیدت سُنا سُنا کر کلام اقبؔال محفلوں میں
عروجِ دینِ نبیؐ کا بھی اہتمام کرتی ہیں میری آنکھیں
Basad aqeedat suna suna kar kalaam Iqbal mahfilon mein
Urooj-e-Deen-e-Nabi ﷺ ka bhi ehtemaam karti hain meri aankhein
Share This Naat
Share with friends and family
فراقِ طیبہ میں دن بہ مشکل تمام کرتی ہیں میری آنکھیں
پروفیسراقبال عظیم