معراجِ نبیؐ آج ہے افلاک سجے ہیں
مہمانِ خدا عرش پہ سرکار بنے ہیں
Meraj-e-Nabi (SAW) aaj hai aflak saje hain
Mehmaan-e-Khuda arsh pe Sarkar bane hain
خورشید و فلک، انجم و مہتاب و ثریّا
سب بہرِ ادب راہِ پیمبر میں جھکے ہیں
Khursheed o falak, anjum o mahtab o Suraiyaa
Sab beher-e-adab rah-e-paighambar mein jhuke hain
اک عالمِ حیرت میں ملائک شبِ اِسری
لمحات میں صدیوں کا سفر دیکھ رہے ہیں
Ek alam-e-hairat mein malaa'ik shab-e-Isra
Lahmaat mein sadiyon ka safar dekh rahe hain
حاصل ہے انھیں منزلِ معراجِ محبت
جو سرورِ عالم کی غلامی سے جُڑے ہیں
Haasil hai unhein manzil-e-meraj-e-mohabbat
Jo Sarwar-e-Alam ki ghulami se jude hain
آقاؐ کو شرف قربِ الٰہی کا ملا ہے
اسرارِ خدائی کے نئے باب کھُلے ہیں
Aqa (SAW) ko sharaf qurb-e-ilahi ka mila hai
Asrar-e-Khudaai ke naye bab khule hain
قدسیِ فلک جن کی سمجھ پائے نہ رفعت
حد ان کی خرد والے بشر ناپ رہے ہیں
Qudsi-e-falak jin ki samajh paaye na rufat
Had un ki khurd wale bashar naap rahe hain
اقصیٰ میں نبی اور رُسُل سب ہیں مصلی
سرکار امامت کے مصلے پہ کھڑے ہیں
Aqsa mein Nabi aur Rusul sab hain Musalli
Sarkar imaamat ke musalle pe khare hain
کس درجہ وہ خوش بخت زمانے میں ہیں احسؔن
جو رحمتِ کونین کا در دیکھ رہے ہیں
Kis darja woh khush bakht zamane mein hain Ahsan
Jo rahmat-e-Kainaat ka dar dekh rahe hain
Share This Naat
Share with friends and family
معراجِ نبیؐ آج ہے افلاک سجے ہیں
احسن اعظمی