ذِکر ہونٹوں پر ترا ہونے لگے
جان جب مجھ سے جُدا ہونے لگے
Zikr honton par tera hone lage
Jaan jab mujh se juda hone lage
تُو شفاعت کے لیے موجود ہو
جب خدا مجھ پر خفا ہونے لگے
Tu shafaat ke liye moujood ho
Jab khuda mujh par khafa hone lage
تیرا سایہ ہو مرے سر پر محیط
شور محشر جب بپا ہونے لگے
Tera saaya ho mere sar par moheet
Shoor e mehshar jab bapa hone lage
میں ابھی سے تیرا دامن تھام لوں
کیا خبر اس وقت کیا ہونے لگے
Main abhi se tera daaman thaam loon
Kya khabar us waqt kya hone lage
کاش تُو ہو میری جاں کے آس پاس
میرا سایہ جب بڑا ہونے لگے
Kaash tu ho meri jaan ke aas paas
Mera saaya jab bara hone lage
ہو ترا ہی آسرا اِس کو نصیب
جب یہ دِل بے آسرا ہونے لگے
Ho tera hi aasra is ko naseeb
Jab ye dil be-aasra hone lage
اس کو آجائے وہاں تیرا خیال
دِل سے جب کوئی خطا ہونے لگے
Is ko aa jaaye wahan tera khayal
Dil se jab koi khata hone lage
مجھ پہ ہو تیرا کرم جب ہر طرف
مصطفےٰ یا مصطفےٰ ہونے لگے
Mujh pe ho tera karam jab har taraf
Mustafa ya Mustafa hone lage
Share This Naat
Share with friends and family
ذِکر ہونٹوں پر ترا ہونے لگے
انجم نیازی