غمگین کبھی ہوگا نہ رنجور ملے گا
جوان کا بھکاری ہے وہ مسرور ملے گا
Ghamgeen kabhi hoga na ranjoor milega
Jawan ka bhikari hai wo masroor milega
میخانہِ سرکارؐ کے میخواروں میں اب بھی
سرمد کوئی شبلیؒ کوئی منصورؒ ملے گا
Maikhana-e-sarkar ke maikharon mein ab bhi
Sarmad koi Shibli koi Mansoor milega
جس دل میں محمدؐ کی محبت کا کرم ہے
توحید کی مستی سے وہ مخمور ملے گا
Jis dil mein Muhammad ki muhabbat ka karam hai
Toheed ki masti se wo makhmoor milega
پلتا ہے جو سرکارؐ کی آغوشِ کرم میں
حالات سے کس طرح وہ رنجور ملے گا
Palta hai jo sarkar ki aaghosh-e-karam mein
Halaat se kis tarah wo ranjoor milega
جس وقت پکارو گے کہیں انکے کرم کو
سرکار کا فیضان بد ستور ملے گا
Jis waqt pukaro ge kahin unke karam ko
Sarkar ka faizan badastoor milega
ذکرِ شہِ ابرارؐ کو ایمان بنا لو
دامانِ طلب فیض سے معمور ملے گا
Zikr-e-sheh-e-abrar ko imaan bana lo
Damaan-e-talab faiz se mamoor milega
پلکوں پہ سجاؤ تو سہی اشکِ ندامت
دل بھی تمہیں انوار سے معمور ملے گا
Palkon pe sajao to sahi ashk-e-nadamat
Dil bhi tumhein anwaar se mamoor milega
ہو سکتا ہے مشکل میں کوئی کام نہ آئے
فیض سخیِ سرکار بدستور ملے گا
Ho sakta hai mushkil mein koi kaam na aaye
Faiz sakhi-e-sarkar badastoor milega
پڑھتا ہے درود آج جو سرکارؐ پہ خالدؔ
کل دامن ِ سرکارؐ میں مسرور ملے گا
Pardhta hai durood aaj jo sarkar pe Khalid
Kal daaman-e-sarkar mein masroor milega
Share This Naat
Share with friends and family
غمگین کبھی ہوگا نہ رنجور ملے گا
خالد محمود خالد