قرض تیرے پیار دا آقاؐ اتاراں کس طرح
بلدا سینہ تیری امَت دا مَیں ٹھاراں کس طرح
Qarz tere pyaar da Aaqa utaraan kis tarah
Balda seenah teri ummat da main tharaan kis tarah
میرے جذبے پچھے جد کوئی عمل دا زور نہیں
لیکھ فر اپنی لوکائی دے سواراں کس طرح
Mere jazbe pichhe jad koi amal da zor nahi
Lekh fir apni lokai de sawaraan kis tarah
نت نویں رولے دے وخ جنہاں نوں بھلے آں اسیں
اوہناں بنیاداں تے دیس اُساراں کس طرح
Nit naveen role de vakh jinhan nu bhale aan asin
Ohnan bunyadaan te des usaraan kis tarah
مَیں خزانے تیرے توں آقاؐ کدوں جھولی بھری
سُچے موتی خُلق دے جگ وچ کھلاراں کس طرح
Main khazaanay tere ton Aaqa kadon jholi bhari
Suche moti khulq de jag vich khularaan kis tarah
اپنے ربّ نوں عرض کر بدلے اوہ ساڈے رات دن
نہیں تے چن سورج نویں سجرے ابھاراں کس طرح
Apne Rabb nu arz kar badle oh sade raat din
Nahi te chan sooraj naveen sajre abhaaran kis tarah
لفظاں وچ کیویں سمیٹاں قوم دے دُکھ درد نوں
چج نہیں مینوں کوئی تینوں پکاراں کس طرح
Lafzan vich kiven samleeta quam de dukh dard nu
Chaj nahi mainu koi tainu pukaraan kis tarah
Share This Naat
Share with friends and family
قرض تیرے پیار دا آقاؐ اتاراں کس طرح
حفیظ تائب